قايعىلى وقيعا الماتى وبلىسى قاسكەلەڭ قالاسىنداعى ساتباەۆ اتىنداعى ورتا مەكتەپتە بولدى. ساباق كەزىندە 15 جاستاعى 9-سىنىپ وقۋشىسى كوز جۇمدى. وقۋشىنىڭ جاعدايى ءبىرىنشى ساباقتان كەيىنگى ءۇزىلىس كەزىندە كەنەتتەن ناشارلاعان, دەپ حابارلايدى Egemen.kz.
قاراساي اۋدانىنىڭ ءبىلىم ءبولىمى بەرگەن مالىمەتكە سايكەس, وقيعا 21 قاڭتار كۇنى تاڭەرتەڭ بولعان. ءبىرىنشى ساباقتان كەيىنگى ءۇزىلىس كەزىندە 9 «گ» سىنىبى وقۋشىسىنىڭ جاعدايى كۇرت ناشارلاعان. مەكتەپ اكىمشىلىگى دەرەۋ جەدەل مەديتسينالىق جاردەم بريگاداسىن شاقىرعان.
«جەدەل مەديتسينالىق جاردەم بريگاداسى كورسەتكەن رەانيماتسيالىق جانە مەديتسينالىق كومەككە قاراماستان, بالانى امان الىپ قالۋ مۇمكىن بولماي, ول وقيعا ورنىندا قايتىس بولدى. بۇل وقۋشىنىڭ وتباسى, جاقىندارى جانە مەكتەپ ۇجىمى ءۇشىن اۋىر قايعى», دەپ حابارلادى قاراساي اۋدانىنىڭ ءبىلىم ءبولىمى.
اقتوبەدەگى مەكتەپتە وقۋشى كوز جۇمدى
ۆەدومستۆونىڭ مالىمەتىنشە, جەدەل جاردەم كەلگەن ساتتە مەكتەپتە جەرگىلىكتى اتقارۋشى ورگانداردىڭ, قۇقىق قورعاۋ قۇرىلىمدارىنىڭ, ءبىلىم ءبولىمىنىڭ وكىلدەرى, سونداي-اق پسيحولوگيالىق قولداۋ ماماندارى بولعان.
شىمكەنتتە دەنە شىنىقتىرۋ ساباعىندا وقۋشى قايتىس بولدى
«قازىرگى ۋاقىتتا وسى دەرەك بويىنشا ۋاكىلەتتى ورگاندار تەكسەرۋ جانە تەرگەۋ جۇمىستارىن جۇرگىزىپ جاتىر. مارقۇمنىڭ ءمايىتى سوت-مەديتسينالىق ساراپتاماعا جىبەرىلدى. ونىڭ قورىتىندىسى بويىنشا قوسىمشا اقپارات بەرىلەدى», دەپ تولىقتىردى ءبىلىم ءبولىمى.
كەنيادا مەكتەپ ورتەنىپ, 17 وقۋشى كوز جۇمدى