مەملەكەتتىك كىرىستەر كوميتەتى قاساقانا بانكروت بولعان كومپانيالار سانى ارتقانىن حابارلادى. ياعني, كومپانيالاردىڭ قارىزدان ادەيى قاشۋ ءۇشىن م ۇلىكتى جاسىرىپ, اكتيۆتەردى شىعارىپ, سوت ارقىلى بانكروت بولعان جاعدايلارى جيىلەگەن. الايدا قازىر مۇنداي ارەكەتتەر انىقتالىپ, وعان بارعان كومپانيالاردىڭ قۇرىلتايشىلارى مەن باسشىلارى جەكە جاۋاپكەرشىلىككە تارتىلىپ جاتىر, دەپ حابارلايدى Egemen.kz.
مامانداردىڭ ايتۋىنشا, ادەيى بانكروتتىق قارىزدان قۇتىلۋدىڭ وڭاي جولى ەمەس.
«وڭالتۋ جانە بانكروتتىق تۋرالى» زاڭعا, اكىمشىلىك قۇقىق بۇزۋشىلىق تۋرالى كودەكسكە جانە قىلمىستىق كودەكسكە سايكەس, كىنالى تۇلعالارعا اكىمشىلىك جانە قىلمىستىق جازا قولدانىلادى. بۇدان بولەك, ولار كومپانيانىڭ قارىزدارىن ءوز جەكە قاراجاتى ەسەبىنەن وتەۋگە دە مىندەتتەلۋى مۇمكىن. بۇل جاۋاپكەرشىلىك بانكروتتىق ءراسىمى اياقتالعاننان كەيىن دە ساقتالادى.
سوتتان تىس بانكروتتىق ءراسىم جەڭىلدەتىلدى
2024-2025 جىلدارى ادەيى بانكروتتىققا قاتىستى 120 اكىمشىلىك ءىس جانە 44 قىلمىستىق ءىس قوزعالعان. سوتتار كىنالى تۇلعالاردان ءىرى كولەمدەگى قارجىنى ءوندىرىپ الۋ تۋرالى شەشىمدەر شىعارعان.
مەملەكەتتىك كىرىستەر ورگاندارى ەنگىزگەن اۆتوماتتاندىرىلعان تالدامالىق جۇيەلەر مۇنداي زاڭبۇزۋشىلىقتاردى انىقتاۋدى جانە دالەلدەۋدى بۇرىنعىدان دا ءتيىمدى ەتىپ وتىر.
ناتيجەسىندە بانكروتتىق ءراسىمى جاۋاپكەرشىلىكتەن قاشۋ امالى ەمەس, كەرىسىنشە, كرەديتورلاردىڭ قۇقىعىن قورعاپ, ادىلەتتىلىكتى قالپىنا كەلتىرۋگە باعىتتالعان زاڭدى تەتىككە اينالدى.
سالىقتان جالتارعان جشس بانكروتتىققا ءوتىنىش بەرگەن