توتەنشە جاعدايلار مينيسترلىگىنىڭ سانيتارلىق اۆياتسياسى اياسىندا «قازاۆياقۇتقارۋ» تىكۇشاعى قۇرمانعازى اۋدانىنان شۇعىل كومەككە مۇقتاج ءسابي مەن ونىڭ اناسىن وبلىس ورتالىعىنا جەتكىزدى, دەپ حابارلايدى Egemen.kz.
ەكيپاج بەن مەديتسينا قىزمەتكەرلەرىنىڭ ۇيلەسىمدى جۇمىسىنىڭ ارقاسىندا ۇشۋ ەش قيىندىقسىز وتكەن. تىكۇشاق اتىراۋ اۋەجايىنا ءساتتى قوندى.
قونعاننان كەيىن ناۋقاستار ءارى قاراي ەم الۋ ءۇشىن بىردەن دارىگەرلەرگە تاپسىرىلدى.
اۋىر جاعدايداعى ءسابي تىكۇشاق ارقىلى استاناعا شۇعىل جەتكىزىلدى
قازاقستان تجم-ءنىڭ «قازاۆياقۇتقارۋ» قىزمەتى ادامدارعا جەدەل كومەك كورسەتىپ, ادام ءومىرىن ساقتاپ قالۋ باعىتىنداعى ماڭىزدى ميسسياسىن جالعاستىرا بەرەدى.