ۇكىمەت وتىرىسىندا پرەمەر-مينيستر ولجاس بەكتەنوۆ پرەزيدەنت قاسىم-جومارت توقاەۆتىڭ ۇلتتىق قۇرىلتايدا بەرگەن تاپسىرمالارىن, ونىڭ ىشىندە جاڭا سالىق كودەكسىن جەتىلدىرۋ جونىندەگى تاپسىرمالارىن جۇزەگە اسىرۋدىڭ ءتۇيىندى شارتتارىن اتاپ ءوتتى, دەپ جازادى Egemen.kz.
پرەزيدەنت ۇلتتىق قۇرىلتايداعى سوزىندە جاڭا سالىق كودەكسى وزگەرمەيتىن قاعيدالاردىڭ جيىنتىعى رەتىندە قابىلدانباۋى كەرەك ەكەنىن ايتتى. وسىعان بايلانىستى ۇكىمەت سالىق كودەكسى بويىنشا جۇرتشىلىق پەن بيزنەس تاراپىنان تۇسەتىن ۇسىنىستاردى جيناقتاپ, مۇقيات تالداۋ جۇرگىزەدى.
«سەرىك ماقاش ۇلى, جۇرتشىلىق پەن بيزنەس تاراپىنان كەلىپ تۇسكەن ۇسىنىستاردى جيناقتاپ, مۇقيات تالداۋدى تاپسىرامىن. «اتامەكەن» ۇلتتىق پالاتاسىنىڭ وكىلدەرىن, ەكونوميستەر مەن ساراپشىلاردى تارتا وتىرىپ, جۇيەلى ءارى ۇيلەسىمدى جۇمىس ىستەۋ كەرەك. بۇگىن ۇكىمەتتە وسىنداي العاشقى كەزدەسۋ وتكىزەسىز. وڭىرلەردى دە وسى جۇمىسقا بەلسەندى تارتۋ قاجەت. قوعامنىڭ كوتەرىپ وتىرعان ماسەلەلەرىن جەدەل قاراۋ كەرەك. ناتيجەسى بويىنشا ناقتى ۇسىنىستار ەنگىزىڭىز», دەدى ولجاس بەكتەنوۆ.
جەكە دەرەكتەردى تاراتقاندار قىلمىستىق جاۋاپكەرشىلىككە تارتىلۋى مۇمكىن
ايتا كەتەيىك, پرەزيدەنت ەكونوميكا مەن بيزنەس جاڭا سالىق رەجيمىنە كوشىپ جاتقانىن جانە ۇكىمەت پەن جەرگىلىكتى اتقارۋشى ورگانداردىڭ الدىنا بۇل كەزەڭدى قالىپتى وتكىزۋ مىندەتىن قويدى.
سونداي-اق بۇگىن ۇكىمەت وتىرىسىندا پرەزيدەنتتىڭ ۇلتتىق قۇرىلتايدا ايتقان تاپسىرمالارىن ورىنداۋ ءتارتىبى قارالدى.