2015 جىلعى 25 اقپان, استانا قالاسى
كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتىن بەرۋ قاعيداسىن بەكىتۋ تۋرالى
«قازاقستان رەسپۋبليكاسىنداعى كەدەن ءىسى تۋرالى» قازاقستان رەسپۋبليكاسىنىڭ 2010 جىلعى 30 ماۋسىمداعى كودەكسىنىڭ 32-بابىنىڭ 1-تارماعىنا سايكەس, بۇيىرامىن:
1. كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتىن بەرۋ قاعيداسى بەكىتىلسىن.
2. قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنە (د. ە. ەرعوجين) زاڭنامامەن بەلگىلەنگەن تارتىپتە:
1) قازاقستان رەسپۋبليكاسىنىڭ ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن;
2) وسى بۇيرىقتى مەملەكەتتىك تىركەۋدەن وتكىزگەننەن كەيىن كۇنتىزبەلىك ون كۇن ىشىندە مەرزىمدىك باسپا باسىلىمداردا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى;
3) وسى بۇيرىقتى قازاقستان رەسپۋبليكاسى قارجى مينيسترلىگىنىڭ ينتەرنەت-رەسۋرسىندا ورنالاستىرۋىن قامتاماسىز ەتسىن.
3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ب. سۇلتانوۆ.
قازاقستان رەسپۋبليكاسى قارجى ءمينيسترىنىڭ
2015 جىلعى 25 اقپانداعى № 124 بۇيرىعىمەن بەكىتىلگەن
كەدەندىك دەكلاراتسيالاۋ جونىندەگى ماماننىڭ بىلىكتىلىك
اتتەستاتىن بەرۋ قاعيداسى
1. وسى كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتىن بەرۋ قاعيداسى كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتىن بەرۋ ءتارتىبىن ايقىندايدى.
2. كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتىن الۋ ءۇشىن اقپاراتتىق جۇيەلەردى قولدانا وتىرىپ, «قازاقستان رەسپۋبليكاسىنداعى كەدەن ءىسى تۋرالى» قازاقستان رەسپۋبليكاسى كودەكسىنىڭ 32-بابىنىڭ 3-تارماعىنا سايكەس ايقىنداعان اۋماقتىق مەملەكەتتىك كىرىستەر ورگاندارى وتكىزەتىن بىلىكتىلىك ەمتيحانىن تاپسىرۋ قاجەت.
3. بىلىكتىلىك ەمتيحاندى جۇرگىزگەن اۋماقتىق مەملەكەتتىك كىرىستەر ورگاندارىنىڭ جاۋاپتى لاۋازىمدى تۇلعاسى ءبىر جۇمىس كۇن ىشىندە ۆەدوموستارىن جيناۋ جانە حاتتامالاردى جاساۋ جولىمەن بىلىكتىلىك ەمتيحاندارىنىڭ قورىتىندىسىن شىعارادى.
4. بىلىكتىلىك ەمتيحانىن جۇرگىزگەن اۋماقتىق مەملەكەتتىك كىرىستەر ورگانىنىڭ باسشىسى (ونى الماستىراتىن ادام) جانە جاۋاپتى لاۋازىمدى تۇلعاسى قول قويعان حاتتامانىڭ نەگىزىندە بىلىكتىلىك اتتەستاتتار, «قازاقستان رەسپۋبليكاسىنداعى كەدەن ءىسى تۋرالى» قازاقستان رەسپۋبليكاسى كودەكسىنىڭ 32-بابىنىڭ 7-تارماعىنا سايكەس بەكىتىلەتىن نىسان بويىنشا كەدەندىك دەكلاراتسيالاۋ جونىندەگى ماماننىڭ بەيدجى دايىندالادى.
5. بىلىكتىلىك اتتەستاتتار جانە بەيدجدەرگە اۋماقتىق ورگاننىڭ باسشىسى (ونى الماستىراتىن ادام) قول قويادى.
6. اۋماقتىق مەملەكەتتىك كىرىستەر ورگاندارى كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتىن بەرۋدى بىلىكتىلىك ەمتيحاندارىن تاپسىرعان ساتتەن باستاپ بەس جۇمىس كۇنىنەن كەشىكتىرمەي جۇرگىزەدى.
7. اۋماقتىق مەملەكەتتىك كىرىستەر ورگاندارى قاعيداعا قوسىمشاعا سايكەس نىسان بويىنشا كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتىن, بەيدجدەرىن بەرۋ جۋرنالىن جۇرگىزەدى.
8. كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتى نەمەسە بەيدجدەرى جوعالعان (ب ۇلىنگەن), سونداي-اق تەگى, اتى, اكەسىنىڭ اتى وزگەرگەن جاعدايدا بۇدان بۇرىن كەدەندىك دەكلاراتسيالاۋ جونىندەگى اتتەستاتتى بەرگەن اۋماقتىق مەملەكەتتىك كىرىستەر ورگانىنا ەركىن نىسانداعى ءوتىنىشتى:
جەكە باسىن كۋالاندىراتىن قۇجاتتىڭ كوشىرمەسىن;
مولشەرى 3,5 ح 4,5 سانتيمەتر ءتۇرلى-ءتۇستى ەكى فوتوگرافيانى قوسا بەرە وتىرىپ ۇسىنۋ قاجەت.
9. كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتىنىڭ قولدانىلۋ مەرزىمى ەكى جىلدى قۇرايدى.
قولدانىلۋ مەرزىمى اياقتالعاننان كەيىن كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتى جارامسىز دەپ سانالادى.
10. قولدانىلۋ مەرزىمىنىڭ اياقتالۋىنا بايلانىستى بىلىكتىلىك اتتەستاتىنىڭ قولدانىلۋى توقتاتىلعان جاعدايدا كەدەندىك دەكلاراتسيالاۋ جونىندەگى مامان قولدانىلۋ مەرزىمى اياقتالعانعا دەيىن ەكى اي بۇرىن قولدانىستاعى بىلىكتىلىك اتتەستاتىن قوسا بەرە وتىرىپ, «قازاقستان رەسپۋبليكاسىنداعى كەدەن ءىسى تۋرالى» قازاقستان رەسپۋبليكاسى كودەكسىنىڭ 32-بابىنىڭ 4-تارماعىنا سايكەس قايتا اتتەستاتتاۋ بويىنشا ەمتيحان تاپسىرۋعا ءوتىنىش بەرەدى. ەمتيحاندى ءساتتى تاپسىرعان كەزدە قولدانىستاعى بىلىكتىلىك اتتەستاتى جاڭاسى تىركەلگەن ساتتەن باستاپ جارامسىز بولادى.
11. ەگەر كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتى ءوتىنىش يەسى ۇسىنعان تولىق ەمەس مالىمەتتەر جانە دايەكسىز مالىمەتتەر نەگىزىندە بەرىلگەن جاعدايدا, بىلىكتىلىك اتتەستاتى جويىلۋعا جاتادى.
12. بىلىكتىلىك اتتەستاتىن جويۋ تۋرالى شەشىم اۋماقتىق مەملەكەتتىك كىرىستەر ورگانى باسشىسىنىڭ (ونى الماستىراتىن ادامنىڭ) بۇيرىعىمەن رەسىمدەلەدى. بۇل رەتتە بىلىكتىلىك اتتەستاتىن بەرۋ تۋرالى قايتالاما ءوتىنىشتى اۋماقتىق مەملەكەتتىك كىرىستەر ورگانى جويۋ تۋرالى بۇيرىق قابىلدانعان كۇنىنەن باستاپ ءبىر جىل وتكەن سوڭ قارايدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 9 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10657 بولىپ ەنگىزىلدى.