22 قاڭتار كۇنى مەملەكەت باسشىسى قاسىم-جومارت توقاەۆ اقش پرەزيدەنتى دونالد ترامپتىڭ شاقىرۋىمەن بەيبىتشىلىك كەڭەسىنىڭ جارعىسىنا قول قويۋ راسىمىنە قاتىسۋ ءۇشىن داۆوس قالاسىنا جۇمىس ساپارىمەن بارادى, دەپ جازادى Egemen.kz اقوردانىڭ ءباسپاسوز قىزمەتىنە سىلتەمە جاساپ.
بۇعان دەيىن اقش پرەزيدەنتى دونالد ترامپ مەملەكەت باسشىسى قاسىم-جومارت توقاەۆتى گازا بويىنشا قۇرىلاتىن بەيبىتشىلىك كەڭەستىڭ قۇرامىنا كىرۋگە رەسمي شاقىرىپ, ال قازاقستانعا قۇرىلتايشى مەملەكەتتەردىڭ ءبىرى بولۋعا ۇسىنىس بىلدىرگەنى حابارلانعان.
بۇل تۋرالى پرەزيدەنتتىڭ كومەكشىسى – ءباسپاسوز حاتشىسى رۋسلان جەلدىباي مالىمدەگەن ەدى.
قازىر ارگەنتينا, ماجارستان, تۇركيا, پاكىستان, مىسىر, يوردانيا, قاتار جانە يتاليا ەلدەرى كەڭەسكە مۇشە بولۋعا شاقىرتۋ العاندارىن راستاپ, ونى قابىلداعاندارىن جاريا ەتتى.
ايتا كەتەيىك, اقوردا پرەزيدەنت قاسىم-جومارت توقاەۆتىڭ دونالد ترامپپەن,ء يزرايلدىڭ پرەمەر-ءمينيسترى بينيامين نەتانياحۋمەن تەلەفون ارقىلى سويلەسكەنىن حابارلاعان.
سونداي-اق كۇنى كەشە قىزىلوردا قالاسىندا وتكەن ۇلتتىق قۇرىلتايدا پرەزيدەنت ديپلوماتيانىڭ جاۋاپكەرشىلىگى مەن حالىقارالىق شەشىمدەردىڭ سالماعىنا ارنايى توقتالدى.