استانادا العاش رەت روبوت-حيرۋرگ تىزە بۋىنىن اۋىستىرۋ وپەراتسياسىن جاسادى. ماستەر-كلاستى ءۇندىستاننان ارنايى كەلگەن حالىقارالىق ساراپشى, دوكتور سۋدجوي كۋمار بحاتتاچاردجي وتكىزدى. بىرەگەي وتانى ەلىمىزدىڭ 100-دەن استام دارىگەر باقىلاپ, جاڭا تەحنولوگيانىڭ مۇمكىندىكتەرىمەن تانىستى, دەپ حابارلايدى Egemen.kz.
ءۇندىستان ەلشىلىگىنىڭ سىيى
جاڭا تەحنولوگيا – اكادەميك ن.باتپەنوۆ اتىنداعى ۇلتتىق عىلىمي تراۆماتولوگيا جانە ورتوپەديا ورتالىعىندا ىسكە قوسىلىپ وتىر. «MISSO» روبوت-حيرۋرگتى ءۇندىستان ەلشىلىگى سىيعا تارتقان ەكەن.
حيرۋرگتىڭ جۇمىسىن جەڭىلدەتەدى
ماستەر-كلاسس بارىسىندا ءتورتىنشى دارەجەلى تىزە بۋىنى ارتروزى دياگنوزى قويىلعان 4 ناۋقاسقا وپەراتسيا جاسالادى. وتا مىندەتتى الەۋمەتتىك مەديتسينالىق ساقتاندىرۋ قورى ەسەبىنەن وتەلەدى. بۋىننىڭ ورنىن ءۇندىستاندا جاسالعان يمپلانت قويىلادى. روبوت ادام قولىمەن ءدال ورىنداۋ قيىن بولاتىن ارەكەتتەردى اتقارىپ, حيرۋرگتىڭ جۇمىسىن جەڭىلدەتەدى.
اتالعان ورتالىقتا جىل سايىن 2 000-عا جۋىق بۋىن اۋىستىرۋ وتاسى جاسالادى ەكەن. جالپى, ەلىمىزدە مۇنداي كومەككە مۇقتاج 130 مىڭداي ادام كەزەكتە تۇر.
ەلىمىزدە العاش رەت جۇرەككە روبوتتىق وتا جاسالدى
بىرنەشە ەل روبوت-حيرۋرگتى قولدانادى
بۇل تەحنولوگيانى ۇندىستانمەن قاتار بىرنەشە ەل قولدانىپ جاتىر. تەحنولوگيانىڭ كومەگىمەن وتكەن 2 جىلدا الەمدە 4 مىڭ, ءۇندىستاندا 7 مىڭنان استام وتا جاسالعان. سونىمەن بىرگە, 100-دەن استام ەلدە تانىستىرىلىپ, شەبەرلىك ساباقتارى وتكىزىلگەن ەكەن.
روبوت وتا جاسادى