كەزدەسۋ ەلورداداعى «استانا ارەنا» ستاديونىندا ءوتتى. بۇل – 2026 جىلعى چەمپيوندار ليگاسى مەن ەۋروكۋبوكتار اياسىنداعى العاشقى ماتچ, دەپ حابارلايدى Egemen.kz.
ويىننىڭ 32-مينۋتىندا الەكساندر ستانكوۆيچ ەسەپ اشتى. بىرنەشە مينۋتتان كەيىن حانس ۆاناكەن تاعى ءبىر گول سوعىپ, قوناقتاردىڭ باسىمدىعىن ارتتىردى. ءبىرىنشى تايمدا الماتىلىقتار قارسىلاس قاقپاسىن بۇزا المادى. ەكىنشى تايم دا قازاقستان كومانداسى ءۇشىن ءساتسىز ءوتتى. 74-مينۋتتا رومەو ۆەرمان گول سوقسا, 84-مينۋتتا برەندون مەحەلە ەسەپتى ىرىلەندىردى.
دەگەنمەن, ماتچتىڭ سوڭىندا, 92-مينۋتتا ادىلەت سادىبەكوۆ «قايراتتىڭ» جالعىز گولىن سوعىپ, ەسەپتى قىسقارتتى.
ماتچ 1:4 ەسەبىمەن اياقتالدى.
قازىرگى ۋاقىتتا«قايرات» ءبىر ۇپايمەن تۋرنير كەستەسىنىڭ سوڭىندا تۇر. 29 قاڭتاردا الماتىلىق كوماندا چەمپيوندار ليگاسىنداعى سوڭعى ويىنىن لوندوندىق «ارسەنالعا» قارسى وتكىزەدى.