بۇقارالىق شاڭعى جارىسى 24 قاڭتار كۇنى ۇيىمداستىرىلادى. جارىس ساعات 10:00-دە ورتالىق ساياباقتاعى شاڭعىروللەر جولىندا باستالادى. بۇل تۋرالى قالا اكىمدىگىنىڭ رەسمي سايتى ءمالىم قىلدى, دەپ حابارلايدى Egemen.kz.
ءىس-شارا شەڭبەرىندە سپورتتىڭ 4 ءتۇرى بويىنشا جارىستار وتەدى. اتاپ ايتقاندا: قول كۇرەسى, گىر تاسىن كوتەرۋ, ارقان تارتىس, بەلبەۋ كۇرەسى.
بۇقارالىق سپورتتى دامىتۋدىڭ ناقتى قادامدارى
قالالىق سپورتتىق ءىس-شارالاردى وتكىزۋ ديرەكتسياسى باسشىسىنىڭ ورىنباسارى ەرجىگىت وسەربايدىڭ ايتۋىنشا, بۇل جارىس داستۇرگە اينالعان. نەگىزگى باسەكە – شاڭعى جارىسى. ول 16 جاس ەرەكشەلىك ساناتى بويىنشا قىزدار مەن ۇلدار اراسىندا وتكىزىلەدى.
«قاشىقتىقتار 500 مەتردەن باستاپ 1 جانە 2,5 شاقىرىمعا دەيىن بەلگىلەنگەن. قاتىسۋشىلاردى تىركەۋ ساعات 10:00-دە باستالىپ, جالپى ستارت 11:00-دە بەرىلەدى. بارلىق جارىستارعا قاتىسۋ تەگىن. بارشا تۇرعىنداردى سالاۋاتتى ءومىر سالتىن ۇستانۋعا شاقىرامىز», دەدى ەرجىگىت وسەرباي.
باتىس قازاقستاندا بۇقارالىق سپورتتىڭ ءباسى بيىك
اتالعان ءىس-شارا استانا قالاسى اكىمدىگىنىڭ قولداۋىمەن, قالالىق سپورتتىق ءىس-شارالاردى وتكىزۋ ديرەكتسياسىنىڭ ۇيىمداستىرۋىمەن وتەدى.
قاي ءوڭىر تۇرعىندارى بۇقارالىق سپورتپەن بەلسەندى اينالىسادى