جامبىل وبلىسىندا جايىلىمداعى جىلقىنى اتىپ كەتكەن كۇدىكتىلەر ۇستالدى. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى, دەپ جازادى Egemen.kz.
ماماندار كەلتىرگەن دەرەككە جۇگىنسەك, تالاس اۋدانىنىڭ تۇرعىنى جايىلىمداعى جىلقىلارىن تەكسەرۋ كەزىندە ءىس-ارەكەتتەرى كۇدىك تۋدىرعان «Volkswagen Passat» ماركالى اۆتوكولىگىندەگى ادامداردى بايقاپ, ۋچاسكەلىك پوليتسيا قىزمەتكەرىنە حابار بەرگەن.
پوليتسيا قىزمەتكەرلەرىمەن جەدەل شارالار قابىلدانىپ, اۆتوكولىك ءۇشارال اۋىلى ماڭىندا توقتاتىلعان. تەكسەرۋ بارىسىندا كولىكتىڭ جۇك سالعىشى مەن سالونىنان ءبىر باس جىلقىنىڭ بولشەكتەلگەن ەتى, سونداي-اق مال سويۋعا ارنالعان قۇرالدار مەن اڭشى مىلتىعى تابىلىپ, تاركىلەنگەن.
قىزىلوردادا مال ۇرلاپ, سويىپ جاتقاندار ۇستالدى
كۇدىكتىلەر جايىلىمدا جىلقىنى اتىپ الىپ, سول جەردە سويعانى بەلگىلى بولدى. اتالعان دەرەككە قاتىستى قر قىلمىستىق كودەكسىنىڭ 24-بابىنىڭ 3-بولىگى - 188-1 بابى 2-بولىگىنىڭ 1) تارماعىمەن (ادامدار توبى بولىپ, مال ۇرلاۋعا وقتالۋ) سوتقا دەيىنگى تەرگەپ-تەكسەرۋ باستالدى.
«سەرگەك» كامەراسىنا وق اتقان جامبىلدىق ازامات جازالاندى
كۇدىكتىلەر 49 جانە 65 جاستاعى ەكى ەر ادام كىناسىن مويىنداپ, ۋاقىتشا ۇستاۋ يزولياتورىنا قامالدى. كولىك ارنايى ايىپ تۇراعىنا قويىلدى. تەرگەۋ امالدارى جالعاسىپ جاتىر.
مال ۇرلاعان توپ ۇستالدى