مەملەكەت باسشىسى قاسىم-جومارت توقاەۆتىڭ ۇلتتىق قۇرىلتايدىڭ V وتىرىسىندا ءسوز سويلەدى. پرەزيدەنت ءوز سوزىندە كاسىبي زاڭگەرلەر اتا زاڭنىڭ ماتىنىنە قاتىستى پىكىرلەرىن بىلدىرگەنىن جانە مەملەكەت باسشىسىن سايلاۋ ماسەلەسى بويىنشا ماڭىزدى ۇسىنىس بارىن اتاپ ءوتتى, دەپ جازادى Egemen.kz.
قازىرگى اتا زاڭعا سايكەس پرەزيدەنت ءوز مىندەتىن اتقارا المايتىنداي وقىس جاعداي تۋىنداسا, ونىڭ وكىلەتتىگى قالعان مەرزىمگە سەنات توراعاسىنا بەرىلەدى.سەنات توراعاسىنىڭ مەملەكەتتى باسقارۋعا مۇمكىندىگى بولماسا, پرەزيدەنت وكىلەتتىگى بەلگىلەنگەن تارتىپكە سايكەس ءتيىستى لاۋازىم يەلەرىنە وتەدى.
«بۇل رەتتە, ماسەلەنىڭ ءبارى «قالعان مەرزىمگە» دەگەن سوزگە كەلىپ تىرەلەدى, وسى ماسەلەنى ەرەكشە اتاپ وتكەن ءجون. باسقاشا ايتساق, «قالعان مەرزىم» 6 ايعا دا, 6 جىلعا دا سوزىلۋى مۇمكىن. سوندىقتان, مەملەكەت باسشىسى مەرزىمىنەن بۇرىن قىزمەتتەن كەتسە, ەكى ايدىڭ ىشىندە كەزەكتەن تىس پرەزيدەنت سايلاۋى وتەدى دەگەن نورما نەگىزگى زاڭدا ناقتى بەلگىلەنۋى قاجەت.بۇل قادام حالىقارالىق وزىق تاجىريبەگە ساي كەلەدى. ەلىمىزدىڭ كەز كەلگەن باسشىسى بيلىككە سايلاۋ ارقىلى, ياعني, زاڭدى تۇردە كەلۋى كەرەك. بۇل – مەن ءۇشىن مىزعىماس ۇستانىم. وسى نورما كەيىنگى مەملەكەت باسشىلارى ءۇشىن دە ەش وزگەرمەيتىن قاعيدا بولۋعا ءتيىس», دەدى قاسىم-جومارت توقاەۆ.
مەملەكەت باسشىسى جاڭا پارلامەنتتىڭ اتاۋىن «قۇرىلتاي» دەپ اتاۋدى ۇسىندى
سونىمەن قاتار مەملەكەت باسشىسى كىسى قولىنان قازا تاپقان نۇرايدىڭ باسىندا بولعان جاعدايعا دا اسا ءمان بەردى.
بۇعان دەيىن قاسىم-جومارت توقاەۆ ارال تەڭىزى ماسەلەسىنە قاتىستى پىكىر ءبىلدىرىپ, ونى ساقتاۋ بۇكىل ادامزات ءۇشىن وزەكتى مىندەت ەكەنىن ايتقان بولاتىن.