تۇركىستان وبلىسىندا 28 مىڭعا جۋىق اۋىل شارۋاشىلىعى تەحنيكاسى بار, ولاردىڭ 40%-ى ەسكىرگەن. اۋىل شارۋاشىلىعى تەحنيكاسىن قۇراستىرۋ, جاڭارتۋ ماسەلەسى وڭىردە اسا ماڭىزدى, دەپ حابارلايدى Egemen.kz.
وسى ورايدا وبلىس اكىمى نۇرالحان كوشەروۆ «Eurasia Group Kazakhstan» كومپانياسىنىڭ باس ديرەكتورى سەرگەي گلوككەمەن كەزدەسۋدە اۋىل شارۋاشىلىعى تەحنيكالارى, ولارعا سەرۆيستىك قىزمەت كورسەتۋ جايىن تالقىلادى.
ء«بىز بۇعان دەيىنگى كەلىسسوزدەر ناتيجەلەرىن جوعارى باعالايمىز جانە سەرىكتەستىگىمىزدى ودان ءارى نىعايتۋعا مۇددەلىمىز. وبلىستىڭ كليماتتىق ورنالاسۋى اۋىل شارۋاشىلىعى سالاسىن دامىتۋ ءۇشىن وتە قولايلى. وتكەن جىلى وبلىستا جالپى ءونىم كولەمى 4,532 ملن تونناعا جەتىپ, اۋىل شارۋاشىلىعى ءوندىرىسىنىڭ ءوسۋى قامتاماسىز ەتىلدى. وڭىردە يندۋستريالىق ايماقتار, «Turan» ارنايى ەكونوميكالىق ايماعى سياقتى نەگىزگى ينۆەستيتسيالىق الاڭدار بار. بۇل الاڭداردا ينۆەستورلارعا دايىن ينفراقۇرىلىمى بار جەر ۋچاسكەلەرى, سونداي-اق سالىق جەڭىلدىكتەرى قاراستىرىلعان. سونىمەن قاتار مەملەكەت ەسەبىنەن شاعىن ونەركاسىپتىك عيماراتتار سالىنىپ, ينۆەستورلارعا جالعا بەرىلىپ جاتىر. جاڭا جوبالارعا قاجەتتى قولداۋ كورسەتۋگە دايىنبىز. سونىمەن بىرگە سىزدەرگە قاجەتتى مامانداردى دايارلاۋ ءۇشىن وبلىستاعى كوللەدجدەردىڭ الەۋەتىن پايدالانۋدى ۇسىنامىن», دەدى نۇرالحان كوشەروۆ.
وڭىرگە دەم بەرگەن ءوندىرىس: تۇركىستان قالاي تۇلەپ جاتىر؟
كومپانيا وكىلدەرى ءوز ۇسىنىستارىن ايتىپ, جوبالارىن تانىستىردى. بىرلەسە جۇمىس ىستەۋگە دايىن ەكەندەرىن جەتكىزدى. اۋىل شارۋاشىلىعى تەحنيكالارىن شىعارۋ جانە ولارعا سەرۆيستىك قىزمەت كورسەتۋ باعىتىنداعى باستامالارى جەمىستى بولارىنا سەنىم ءبىلدىردى. اۋىل شارۋاشىلىعى تەحنيكاسى, جابدىقتارى مەن اگروتەحنولوگيالارى نارىعىندا جۇمىس ىستەيتىن «Eurasia Group Kazakhstan» كومپانياسىنىڭ قازاقستاندا 14 وكىلدىگى بار.
جاڭا تەحنيكا جۇمىستى جەتىلدىرەدى