31 جاستاعى اتىراۋ وبلىسىنىڭ تۇرعىنىنا حالىقارالىق ىزدەۋ جاريالاندى. ول hacker.atyrau پاراقشاسى ارقىلى قىزىلقوعا اۋدانى جانگەلدين اۋىلىندا جوعالعان وتباسى تۋرالى تىڭ دەرەكتەردى الەۋمەتتىك جەلىدە تاراتقان ەدى, دەپ جازادى Egemen.kz.
پوليتسيا ونى بۇل ءىس-ارەكەتى ءۇشىن ەمەس, وسىعان دەيىن جاساعان قۇقىقبۇزۋشىلىعىنا بايلانىستى ىزدەپ جاتىر. قۇزىرلى ورگان بەرگەن مالىمەتكە سۇيەنسەك, ول الاياقتىق جاسادى دەگەن كۇدىككە ىلىنگەن. وعان قاتىستى 4 قىلمىستىق ءىس تىركەلگەن.
قىتايلىق حاكەرلەر Microsoft سەرۆەرىن بۇزدى
− جوعالعان وتباسى مۇشەلەرىنىڭ جۇرگەن جەرىنە قاتىستى بارلىق دەرەك ىشكى ىستەر ورگاندارىنىڭ بولىمشەلەرى جۇرگىزگەن زاڭدى جەدەل-ىزدەستىرۋ جانە تەرگەۋ شارالارى بارىسىندا انىقتالعان. بۇل اقپارات الەۋمەتتىك جەلىلەردە جاريالانىمدار پايدا بولعانعا دەيىن رەسمي تۇردە تىركەلىپ, كەيىننەن باعدار تۇرىندە راسىمدەلگەن. اتالعان تۇلعا جاڭا دەرەكتەر العان جوق جانە ەشقانداي دەربەس تەحنيكالىق تالداۋ جۇرگىزبەگەن. ونىڭ جاريالاعان مالىمەتتەرى رەسمي باعدارمەن تولىق سايكەس كەلەدى جانە ول اقپاراتتى باعدار جاسالعاننان كەيىن عانا العان, − دەپ حابارلادى وبلىستىق پد.
حاكەرلەر الەمدەگى ەڭ ءىرى مۋزىكالىق پلاتفورمالاردىڭ ءبىرىن بۇزعان