استانا. 12 تامىز. ەلباسى قىرعىز رەسپۋبليكاسىنىڭ پرەزيدەنتى المازبەك اتامباەۆپەن كەزدەستى. بۇل تۋرالى akorda.kz حابارلادى.
كەزدەسۋ بارىسىندا ەكى مەملەكەتتىڭ كوشباسشىلارى ەۋرازيالىق ىقپالداستىق ماسەلەلەرىن جانە قىرعىزستاننىڭ ەۋرازيالىق ەكونوميكالىق وداققا كىرۋىنە بايلانىستى ءوزارا ءىس-قيمىلدىڭ, سونداي-اق وعان ەاەو اياسىندا قولداۋ كورسەتۋدىڭ جاڭا جاعدايلارىن تالقىلادى.
سونىمەن قاتار, ەكىجاقتى قارىم-قاتىناستىڭ احۋالى مەن ونىڭ ينۆەستيتسيا, ونەركاسىپ, جول قۇرىلىسى, تۋريزم جانە باسقا سالالارداعى پەرسپەكتيۆالارى قاراستىرىلدى.
مەملەكەت باسشىسى قازاق-قىرعىز قارىم-قاتىناسى ءاردايىم جوعارى دەڭگەيدە ەكەنىن, قىرعىزستاننىڭ ەاەو-عا كىرۋى قازىردىڭ وزىندە 1 ميلليارد دوللاردان اساتىن تاۋار اينالىمىن ودان ءارى جانداندىرا تۇسۋگە جاعداي تۋعىزاتىنىن ايتتى.
نۇرسۇلتان نازارباەۆ اتاپ وتكەندەي, كەدەندىك شەكارالاردى اشۋ ەكىجاقتى ەكونوميكالىق قاتىناستارعا وڭ ىقپال ەتىپ, بيزنەس ءۇشىن جاڭا مۇمكىندىكتەرگە جول اشادى.
قازاقستان مەن قىرعىزستان پرەزيدەنتتەرى وڭىرلىك قاۋىپسىزدىك ماسەلەلەرى جانە حالىقارالىق كۇن تارتىبىندەگى وزەكتى جايتتار جونىندە دە پىكىر الماستى. مەملەكەت باسشىسى قىرعىزستان ا.اتامباەۆتىڭ باسشىلىعىمەن ورنىقتى دامۋ قارقىنىن كورسەتىپ وتىرعانىنا نازار اۋداردى.
قىرعىز كوشباسشىسى قازاقستاننىڭ ورتالىق ازياداعى جەتەكشى ءرولىن اتاي وتىرىپ, ساپارلاپ كەلگەنى جانە جەمىستى ىنتىماقتاستىق ءۇشىن نۇرسۇلتان نازارباەۆقا العىس ايتتى.
ايدار ورىسباەۆ.
دەرەك, سۋرەت: akorda.kz.