ىشكى ىستەر مينيسترلىگى 9–12 قاڭتار ارالىعىندا رەسپۋبليكالىق «قارۋ» جەدەل ءىس-شاراسىن وتكىزدى, دەپ جازادى Egemen.kz.
مينيسترلىك مالىمەتىنشە, ءىس-شارا ناتيجەسىندە زاڭسىز اينالىمنان 340 قارۋ, 2 مىڭنان استام وق-ءدارى تاركىلەنگەن.
سونداي-اق 14 كريمينالدىق قارۋ تابىلعان. ونىڭ ىشىندە سەگىزى قاڭتار وقيعاسى كەزىندە ۇرلانعانى, ال التاۋى بۇرىن جوعالعان قارۋ ەكەنى انىقتالدى.ءىس-شارا بارىسىندا شالعايدا ورنالاسقان شارۋا قوجالىقتارىن تەكسەرۋ دە نازاردان تىس قالماعان. پوليتسەيلەر شارۋا قوجالىقتاردان 70 اتىس قارۋىن تاپقان.«قارۋ» جەدەل ءىس-شاراسى بارىسىندا ەل تۇرعىندارى 35 قارۋدى ءوز ەركىمەن پوليتسياعا تاپسىرعان.
ءىىم زاڭسىز ساقتالعان قارۋدى ءوز ەركىمەن تاپسىرعان ازامات قىلمىستىق جانە اكىمشىلىك جاۋاپكەرشىلىكتەن بوساتىلاتىنىن ەسكە سالىپ وتىر.بۇعان دەيىن دە الماتىدا پوليتسەيلەر ۇرلانعان قارۋ جاسىرىلعان ورىندى انىقتاپ, قاڭتار وقيعاسى كەزىندە قولدى بولعان قارۋ-جاراقتى تاپقانىن حابارلاعانبىز.
ال كولىك پروكۋراتۋراسى, پوليتسيا, كولىك باقىلاۋ ينسپەكتسياسى جانە «قازاۆتوجول» اق بىرلەسە ۇيىمداستىرعان جەدەل-پروفيلاكتيكالىق ءىس-شارا بارىسىندا ەلىمىزدە جالعان نومىرمەن جۇرگەن 900-دەن استام جۇرگىزۋشى ۇستالدى.