قىزىلوردادا «سىر جاستارى» وڭىرلىك باعدارلاماسىمەن باسپانالى بولعان 100 جاس وتباسىعا پاتەر كىلتتەرى تابىستالدى, دەپ حابارلايدى Egemen.kz.
پارلامەنت سەناتى مەن ءماجىلىسىنىڭ دەپۋتاتتارى ناۋرىزباي بايقاداموۆ, رۋسلان رۇستەموۆ, مۇرات ابەنوۆ, مارحابات جايىمبەتوۆ, مۇرات ەرگەشباەۆ, «قازاقستان حالقىنا» قوعامدىق قورىنىڭ باسقارما ءتورايىمى ءلاززات شىڭعىسباەۆا, قۇقىق قورعاۋ ورگاندارى مەن جاۋاپتى سالالاردىڭ باسشىلارى, زيالى قاۋىم وكىلدەرى, قالا تۇرعىندارى قاتىسقان سالتاناتتى جيىندا وبلىس اكىمى نۇرلىبەك نالىباەۆ جاڭا پاتەر يەلەرىن قۇتتىقتاپ, وڭىرلىك باعدارلامانىڭ تيىمدىلىگىن اتاپ ءوتتى.
«بۇگىندە وبلىسىمىزداعى جاستار سانى 250 مىڭعا جۋىقتادى. وسىدان 3 جىل بۇرىن «سىر جاستارى» وڭىرلىك تۇرعىن ءۇي باعدارلاماسى قابىلدانىپ, 2024 جىلى 100 جاس وتباسى باسپانالى بولدى. بىلتىر وسى باعدارلاما اياسىندا 1 ملرد 200 ملن تەڭگە, «وتباسى بانك» تاراپىنان 500 ملن تەڭگە قارالدى. بۇگىن 100 پاتەرلىك 2 تۇرعىن ءۇي ءبىلىم, مەديتسينا, مادەنيەت, سپورت, قارجى, الەۋمەتتىك سالالاردا قىزمەت ەتەتىن جاس وتباسىلارعا تابىستالىپ وتىر. جاڭا باسپانالارىڭىزدىڭ ىرگەتاسى بەرىك, ءار شاڭىراقتىڭ ءىشى تاتۋلىق پەن بەرەكەگە تولى بولعاي!», دەدى ن.نالىباەۆ.
وبلىس اكىمى جانە قوناقتار وڭىرلىك باعدارلامامەن پاتەر العان جاس ماماننىڭ جاڭا پاتەرىنە كىرىپ, ىزگى تىلەكتەرىن ءبىلدىردى.
جاس عالىمدارعا پاتەر كىلتى تابىستالدى
ەسكە سالايىق, بۇعان دەيىن ۇلىتاۋ وبلىسىندا 32 جاس وتباسى باسپانالى بولعانىن جازعان ەدىك.
ابايلىقتار باسپانالى بولدى