يراندا بىرنەشە كۇننەن بەرى ەلدىڭ تۇكپىر-تۇكپىرىن قامتىعان جاپپاي نارازىلىقتار جالعاسىپ جاتقان تۇستا اقش پرەزيدەنتى پروتەستكە شىققان ازاماتتارعا اشىق قولداۋ ءبىلدىردى. ول TruthSocial الەۋمەتتىك جەلىسىندە يراندىقتارعا كومەكتەسۋگە دايىن ەكەنىن جازدى, دەپ حابارلايدى Egemen.kz.
«يران, بالكىم, تاريحىندا العاش رەت بوستاندىققا وسىنشالىقتى ۇمتىلىپ وتىر», دەدى د. ترامپ.
بۇعان دەيىن ول يران بيلىگى بەيبىت شەرۋشىلەرگە وق اتاتىن بولسا, اقش ارالاسۋى جانە سوققى بەرۋى مۇمكىن ەكەنىن ەسكەرتكەن.
نارازىلىقتىڭ كۇشەيۋى ەل ىشىندەگى ساياسي قىسىمدى ارتتىرىپ وتىر. سەنبى كۇنى يراننىڭ سوڭعى شاحىنىڭ ۇلى رەزا پەحلەۆي شەرۋشىلەرگە ۇندەۋ جاساپ, قالالاردىڭ ورتالىقتارىن باسىپ الىپ, ولاردى باقىلاۋدا ۇستاۋعا شاقىردى. سونىمەن قاتار ول ەكونوميكانىڭ نەگىزگى سالالارىندا جۇمىس ىستەيتىندەردى جالپىۇلتتىق ەرەۋىلگە شىعۋعا ۇندەدى.
يرانداعى نارازىلىقتار: مەشىتتەر ورتەنىپ, قۇرباندار تۋرالى مالىمەت تارادى
پەحلەۆي يرانعا قايتا ورالۋعا دايىن ەكەنىن دە جاريالادى. ونىڭ ايتۋىنشا, ول «ۇلتتىق رەۆوليۋتسيا جەڭىسكە جەتكەن ساتتە ۇلى حالىقپەن بىرگە بولۋ» ءۇشىن ەلگە كەلمەك.
يرانداعى ۇكىمەتكە قارسى نارازىلىقتاردان اۋرۋحانالارعا اۋىر جاراقاتپەن تۇسكەن جاندار كۇرت كوبەيگەن.
سوعان بايلانىستى ءدۇمپۋ كەزىندە وپات تاپقان قاۋىپسىزدىك كۇشتەرىنىڭ قىزمەتكەرلەرىن ەسكە الۋ ماقساتىندا ۇكىمەت ءۇش كۇندىك ۇلتتىق ازا تۇتۋ جاريالادى.