ماڭعىستاۋ وبلىسىندا بوزجىرا شاتقالىنىڭ شولۋ الاڭىنا اپاراتىن اۆتوموبيل جولىنىڭ قۇرىلىسى باستالدى. بۇل تۋرالى قاراقيا اۋدانى اكىمدىگى مالىمدەدى, دەپ حابارلايدى Egemen.kz.
جوبالىق قۇجاتتاماعا سايكەس, تاپسىرىس بەرۋشى – قاراقيا اۋداندىق تۇرعىن ءۇي-كوممۋنالدىق شارۋاشىلىعى, جولاۋشىلار كولىگى جانە اۆتوموبيل جولدارى ءبولىمى. باستاپقىدا جوبانىڭ قۇنى 2,878 ملرد تەڭگە دەپ بەلگىلەنگەن. كونكۋرس قورىتىندىسى بويىنشا مەردىگەر رەتىندە «اق جول» قۇرىلىس جشس انىقتالىپ, كومپانيا جۇمىستى 2,513 ملرد تەڭگەگە ورىنداۋدى ۇسىنعان. قوسىلعان قۇن سالىعىن ەسكەرگەندە كەلىسىمشارتتىڭ جالپى سوماسى شامامەن 3,159 ملرد تەڭگەنى قۇرايدى.
جوبا اياسىندا وڭىردەگى ەڭ تانىمال تۋريستىك نىسانداردىڭ ءبىرى سانالاتىن بوزجىراعا ۇزىندىعى 13,2 شاقىرىم بولاتىن اۆتوجول سالىنادى. قۇرىلىس تۋريستەر ءۇشىن قاۋىپسىز ءارى قولايلى قاتىناستى قامتاماسىز ەتۋگە باعىتتالعان.
«Washington Post» ماڭعىستاۋ تۋرالى ماقالا جاريالادى.
سونىمەن قاتار جول سالۋ جۇمىستارىمەن قاتار بوزجىرا اۋماعىندا ەكى ۆيزيت-ورتالىقتىڭ قۇرىلىسى باستالعان. قازىرگى تاڭدا جول بويىندا ورنالاسقان ۆيزيت-ورتالىقتىڭ بىرەۋىنىڭ قۇرىلىسى اياقتالعان. ونى كەلەسى تۋريستىك ماۋسىمدا پايدالانۋعا بەرۋ جوسپارلانىپ وتىر.
بۇدان بولەك, شەرقالا تاۋىنىڭ ماڭىندا گلەمپينگ ايماعىن سالۋ جۇمىستارى باستالعانى حابارلاندى.
ماڭعىستاۋدا قاتتى تۇرمىستىق قالدىقتاردى قابىلدايتىن پوليگوندار جەتىسپەيدى
جەرگىلىكتى بيلىك وكىلدەرىنىڭ پىكىرىنشە, اتالعان جوبالار ماڭعىستاۋ وڭىرىندە زاماناۋي تۋريستىك ينفراقۇرىلىم قالىپتاستىرىپ, ىشكى جانە شەتەلدىك تۋريستەر ءۇشىن ايماقتىڭ تارتىمدىلىعىن ارتتىرۋعا مۇمكىندىك بەرەدى.
بۇعان دەيىن اقتوبە – ماڭعىستاۋ باعىتىنداعى پويىزدىڭ ۆاگوندارى جاڭارعانى حابارلاندى.