رەسەيدىڭ بىرقاتار ءىرى اۋەجايلارىندا قالىڭ قاردىڭ سالدارىنان اۋە قاتىناسى قيىنداپ, رەيستەر جاپپاي كەشىكتىرىلىپ جانە توقتاتىلىپ جاتىر, دەپ حابارلايدى Egemen.kz رەسەيلىك باق-قا سىلتەمە جاساپ.
مالىمەتتەرگە سايكەس, دومودەدوۆو اۋەجايىندا ۇشاقتاردىڭ ءبىرى قار قۇرساۋىندا قالىپ, اۋەگە كوتەرىلە الماعان. اۋەجاي اۋماعى قارعا تولىپ, ارنايى تەحنيكانىڭ جۇمىسى جەتكىلىكسىز بولعاندىقتان, قىزمەتكەرلەر ۇشۋ-قونۋ جولاقتارىن قولمەن تازالاۋعا ءماجبۇر بولعان.
قازاقستاندا 2026 جىلى قانداي جاڭا اۋەجايلار مەن اۋە رەيستەرى ىسكە قوسىلادى
ال شەرەمەتەۆو اۋەجايىندا رەيستەردىڭ جاپپاي كەشىگۋى مەن توقتاتىلۋى تىركەلدى. اقپارات بويىنشا, ىركىلىستەر جەرگىلىكتى ۋاقىتپەن ساعات 20:00-دەن كەيىن باستالىپ, ءالى دە جالعاسىپ جاتىر.
اەروفلوت اۋە كومپانياسىنىڭ جولاۋشىلارى رەيستەردى قابىلداۋ مەن قونۋ بارىسىندا قيىندىقتارعا تاپ بولعانىن حابارلادى. كەيبىر جولاۋشىلار ۇشاق قونعاننان كەيىن بىرنەشە ساعات بويى بورت ىشىندە وتىرعان, سەبەبى تراپتار ۋاقىتىندا جەتكىزىلمەي, اۋە كەمەلەرىنەن ءتۇسۋ مۇمكىن بولماعان.
قازاقستاندا ءۇش جاڭا اۋەجاي سالىنادى
اۋەجايلاردا داۋىس زورايتقىش ارقىلى «ستاندارتتان تىس جاعداي» تۋرالى حابارلانعانىمەن, ناقتى مەرزىمدەر كورسەتىلمەگەن. سونىمەن قاتار باگاجدى بەرۋ دە ۇزاققا سوزىلىپ, كەيبىر جولاۋشىلار چەموداندارىن 5-6 ساعات بويى الا الماعانى ايتىلدى. بۇقارالىق اقپارات قۇرالدارى اۋەجاي قىزمەتكەرلەرىمەن بولعان جانجالدار تۋرالى دا حابارلادى.
سونىمەن بىرگە شەرەمەتەۆو اۋەجايىنىڭ ءباسپاسوز قىزمەتى اۋەجايدىڭ «قالىپتى رەجيمدە جۇمىس ىستەپ جاتقانىن» جانە «جاعداي باقىلاۋدا ەكەنىن» مالىمدەگەن.
جاڭا جىل قارساڭىندا استانا اۋەجايىندا اۋا رايى سالدارىنان 11 رەيس كەشىگىپ قونعان بولاتىن.