مەملەكەت باسشىسىنىڭ تاپسىرمالارى مەن تسيفرلاندىرۋ جانە جاساندى ينتەللەكت جىلى اياسىنداعى ءىس-شارالاردى جۇزەگە اسىرۋ شەڭبەرىندە پرەمەر-ءمينيستردىڭ ورىنباسارى – جاساندى ينتەللەكت جانە تسيفرلىق دامۋ ءمينيسترى جاسلان ماديەۆ پەن ونەركاسىپ جانە قۇرىلىس ءمينيسترى ەرسايىن ناعاسپاەۆ 2026–2027 جىلدارعا ارنالعان قۇرىلىس سالاسىن تسيفرلاندىرۋ جوسپارىن بەكىتتى.
قۇجات قۇرىلىس سالاسىن تسيفرلىق ترانسفورماتسيالاۋدىڭ نەگىزگى مىندەتتەرىن ايقىندايدى ءارى جوسپارلاۋ, جوبالاۋ كەزەڭدەرىنەن باستاپ, پايدالانۋعا بەرۋ, عيماراتتاردى ودان ءارى پايدالانۋ ۇدەرىستەرىنە دەيىنگى قۇرىلىس نىساندارىنىڭ بۇكىل ومىرلىك تسيكلىن قامتيدى.
جوسپاردا قۇرىلىس سالاسىنداعى ۇدەرىستەردى جەڭىلدەتۋ مەن جەدەلدەتۋگە باعىتتالعان كەشەندى پراكتيكالىق شارالار كوزدەلگەن. باسىم باعىتتاردىڭ قاتارىندا مىندەتتى BIM-جوبالاۋدى ەنگىزۋ, قۇرىلىس سالاسىنداعى مەملەكەتتىك قىزمەتتەردى اۆتوماتتاندىرۋ, نىسانداردىڭ تسيفرلىق پاسپورتتارىن قالىپتاستىرۋ, سونداي-اق قۇرىلىس نورمالارى مەن ستاندارتتارىن ماشينامەن وقىلاتىن فورماتقا كوشىرۋ بار. بۇل شارالار قولمەن ورىندالاتىن وپەراتسيالار سانىن قىسقارتۋعا, قاتەلىكتەر تاۋەكەلىن ازايتۋعا ءارى قۇرىلىس جوبالارىن جۇزەگە اسىرۋدىڭ بولجامدىلىعىن ارتتىرۋعا مۇمكىندىك بەرەدى.
جوسپاردى جۇزەگە اسىرۋ سالانىڭ اشىقتىعى مەن باسقارىلۋىن قامتاماسىز ەتۋگە, قۇرىلىس مەرزىمدەرى مەن شىعىندارىن قىسقارتۋعا, اكىمشىلىك كەدەرگىلەردى ازايتۋعا, سونداي-اق قۇرىلىس نىساندارىنىڭ ساپاسى مەن قاۋىپسىزدىگىن ارتتىرۋعا باعىتتالعان.