قارجىلىق مونيتورينگ اگەنتتىگى «بىرىڭعاي جيناقتاۋشى زەينەتاقى قورىنان» ازاماتتاردىڭ جيناقتارىن زاڭسىز شىعارۋ دەرەكتەرى بويىنشا ستوماتولوگيالىق كلينيكالاردىڭ باسشىلارى مەن وزگە دە ادامدارعا قاتىستى تەرگەپ-تەكسەرۋدى جالعاستىرىپ جاتىر, دەپ جازادى Egemen.kz.
اگەنتتىك مالىمەتىنشە, زەينەتاقى جيناقتارى ستوماتولوگيالىق قىزمەتتەر كورسەتۋ تۋرالى فورمالدى شارتتار جاساسۋ جانە كەيىننەن جالعان مەديتسينالىق قۇجاتتار ۇسىنۋ ارقىلى شىعارىلىپ وتىرعان.
اتالعان كومەك ءۇشىن كۇدىكتىلەر الىنعان قاراجاتتىڭ 10%-دان 20%-عا دەيىنگى مولشەرىندە زاڭسىز سىياقى ۇستاعان.
قىلمىستىق سحەماعا 42 ستوماتولوگيالىق كلينيكا تارتىلعان.
ولاردىڭ قاتىسۋىمەن جالپى سوماسى 200 ملرد تەڭگەدەن استام قاراجات شىعارىلعان.
زەينەتاقى قاراجاتىن ستوماتولوگيالىق قىزمەتتەرگە جۇمساۋعا تىيىم سالىندى
قىلمىستىق جولمەن الىنعان تابىستارعا كۇدىكتىلەر ەليتالىق جىلجىمالى جانە جىلجىمايتىن م ۇلىك ساتىپ الىپ, سونداي-اق جاسىرۋ ماقساتىندا ءۇشىنشى تۇلعالاردىڭ اتىنا راسىمدەپ, جاڭا ستوماتولوگيالىق كلينيكالار اشقان.
اتالعان فاكتى بويىنشا 11 كۇدىكتى 2 اي مەرزىمگە قاماۋعا الىنىپ, تاعى ۇشەۋىنە قاتىستى ۇيقاماق تۇرىندەگى بۇلتارتپاۋ شاراسى تاڭدالدى.
بجزق-دان تولەنەتىن زەينەتاقى تولەمدەرى تابىس سالىعىنان بوساتىلادى
سونىمەن قاتار, جۇيەلى تۇردە زاڭسىز سىياقى الۋ ءۇشىن مەديتسينالىق مەكەمەلەردىڭ دارىگەرلەرى دارىگەرلىك-كونسۋلتاتسيالىق كوميسسيالاردىڭ (دكك) جالعان قورىتىندىلارىن بەرگەن. بۇل ساناتتاعى دارىگەرلەردىڭ كۇدىكتىلەردەن العان قاراجاتىنىڭ جالپى سوماسى 30 ملن تەڭگەنى قۇرادى.
ستوماتولوگيالىق قىزمەتتى ءمامس-كە قوسۋ مۇمكىن بە؟
اتالعان فاكتىلەر بويىنشا بىرقاتار سوتقا دەيىنگى تەرگەپ-تەكسەرۋ باستالدى.
اگەنتتىك ءوز زەينەتاقى اۋدارىمدارىن العان ازاماتتار قىلمىستىق قۋدالاۋ اياسىنا تۇسپەيتىنىن دە مالىمدەدى.