ەكوجۇيە قالىپتاستىرۋعا جول اشادى

بۇل رەتتە ەلەكتروندىق قارجى ورتالىعىندا جاساندى زەردەنى دامىتۋعا ۇدايى كوڭىل ءبولىنىپ كەلە جاتقانىن ايتا كەتەيىن. قولعا الىنعان پەرسپەكتيۆالى شەشىمدەردىڭ ءبىرى – جي بيزنەس-كومەكشى جوباسى. اتالعان قۇرال بارلىق كەزەڭدە كاسىپكەرلەرگە قولداۋ كورسەتۋگە ارنالعان. ماسەلەن, بيزنەستىڭ يدەيا ساتىسىنان باستاپ ونى ناقتى جۇزەگە اسىرۋعا دەيىن.

وزىق جۇيەدە قاراستىرىلاتىن نەگىزگى فۋنكتسيونالداردىڭ ءبىرى – بولاشاق كاسىپكە ارنالعان ۇتىمدى ورىندى تاڭداۋ. ءتيىمدى تاڭدالعان جەر – بيزنەستىڭ تابىستى بولۋىنداعى ماڭىزدى فاكتور: بۇل ساتۋ دەڭگەيىن, باسەكەگە قابىلەتتى ورتانى جانە بولاشاق وپەراتسيالىق شىعىنداردى انىقتايدى.

جي-كومەكشىسى مەملەكەتتىك اقپا­راتتىق رەسۋرستارمەن ينتەگراتسيا­لانعان جانە سەنىمدى دەرەكتەردىڭ اۋقىم­­دى جيىنتىعىن تالداۋعا قاۋقار­لى: اۋدان­داردىڭ ەكونوميكالىق بەلسەندىلىگى, سۇرانىس قۇرىلىمى, جۇمىسپەن قامتۋ دەڭگەيى, باسەكەلەستىك ورتا, سالالاردىڭ دامۋ سەرپىنى. وسى مالىمەتتەرگە سۇيەنە وتىرىپ, ءتيىستى الگوريتمدەر كوزدەلگەن كىرىس مولشەرىن, رەنتابەلدىكتى جانە تاۋەكەلدەردى بولجاپ, ءار لوكاتسياعا ­دايىن ۇسىنىستار جاساي الادى.

اتالعان تەتىكتى پايدالانۋ قا­بىل­­داناتىن شەشىمدەردىڭ ساپاسىن ەداۋىر جاقسارتىپ, باستاپقى كەزەڭدەگى قاتەلىكتەردەن ساقتانۋعا كومەك­تەسەدى جانە شوب دەرەكتەرگە باعدار­لانعان ءتاسىلدىڭ جاڭا ستاندارتىن قالىپ­تاس­تىرادى.

تسيفرلى جاڭعىرتۋدىڭ كەلەسى كەزەڭى پرواكتيۆتى قىزمەتتى جولعا قويۋمەن بايلانىستى. مالىمەتتەردىڭ جيناقتالۋىنا بايلانىستى مەملەكەتتىك جۇيەلەر كاسىپكەرلەردىڭ قاجەتتىلىكتەرىن اۆتوماتتى تۇردە انىقتاپ, ولارعا ءتيىستى مەملە­كەت­تىك قولداۋ شارالارىن, جەڭىلدەتىلگەن باعدارلامالار مەن ماڭىزدى حابارلامالاردى ۇسىنادى. دەمەك, ىسكەر ازامات قاجەتتى قىزمەتتى ىزدەپ اۋرە بولمايدى, كەرىسىنشە «قىزمەت پايدالانۋشىنى ءوزى تابادى» مودەلىنە باسىمدىق بەرىلەدى.

مەملەكەتتىك سەرۆيستەردى ينتەگرا­تسيالاۋ, بىرىڭعاي جەكە كابينەتتى قۇرۋ مەن جي شەشىمدەرىن دامىتۋ – وزىق تسيفرلى ەكوجۇيەنى قالىپتاستىرۋعا جول اشادى. وسى ارقىلى مەملەكەتتىك ورگاندارمەن ءوزارا ءىس-قيمىل ءتيىمدى, جىلدام جانە تەحنولوگيالىق تۇرعى­دان العاندا, زامانعا ساي بولادى. ءوز كەزەگىندە كاسىپكەرلەر سەنىمدى جانە ورنىقتى وسىمگە مۇمكىندىك بەرەتىن تىڭ تەتىككە قول جەتكىزەدى.

دياس كرامشەەۆ,

ەلەكتروندىق قارجى ورتالىعىنىڭ باسقارما توراعاسى