2025 جىلدىڭ كۇزىنەن بەرى اتىراۋ وبلىسى قىزىلقوعا اۋدانىنا قاراستى جانگەلدين اۋىلىنان شىققان ءبىر وتباسىنىڭ جوعالىپ كەتكەنى حابارلانىپ, قۇزىرلى ورگاندار ىزدەۋ جاريالاعان ەدى. 6 قاڭتار كۇنى ەرلى-زايىپتى ماقسوت قارابالين مەن ءناسىپ وتەشقاليەۆانىڭ ءمايىتى ءوز اۋلالارىنداعى سارايدىڭ ىشىنەن تابىلدى, دەپ جازادى Egemen.kz.
پوليتسيا مالىمەتىنشە, وتباسىنىڭ جوعالعانى تۋرالى ارىزدى ءۇي يەسىنىڭ قارىنداسى بەرگەن. ول 25 جەلتوقسان كۇنى قۇقىق قورعاۋ ورگاندارىنا كەلىپ, تۋىستارىنىڭ ءبىر ايدان استام ۋاقىت بويى بايلانىسقا شىقپاعانىن جانە تۇرعىلىقتى جەرىندە جوق ەكەنىن مالىمدەگەن.
سول ۋاقىتتان بەرى ىزدەستىرىلىپ جاتقان ءتورت ادامنىڭ ەكەۋىنىڭ ءمايىتى تابىلدى.
مارقۇمداردى جاقىندارى مەن تۋىستارى, اۋىل تۇرعىندارى اقتىق ساپارعا شىعارىپ سالدى.
بۇگىندە كۇدىكتى انىقتالىپ, قالعان ەكى تۇرعىندى ىزدەۋ جۇمىستارى جالعاسىپ جاتىر.