«الماتى – بىشكەك» كۇرەجولىنىڭ 86-شاقىرىمىندا بولعان جول-كولىك وقيعاسى فاكتىسى بويىنشا قىلمىستىق ءىس تىركەلدى. الدىن الا مالىمەتتەر بويىنشا, «Toyota Alphard» ماركالى اۆتوكولىكتىڭ 33 جاستاعى جۇرگىزۋشىسى ءرولدى باسقارا الماي, كولىك قۇرالىن اۋدارىپ العان, دەپ جازادى Egemen.kz.
جول-كولىك وقيعاسى سالدارىنان جۇرگىزۋشى العان جاراقاتتارىنان وقيعا ورنىندا قازا تاپتى. تاعى ەكى جولاۋشى مەديتسينالىق مەكەمەدە كوز جۇمدى, ال تاعى ۇشەۋى ءارتۇرلى جاراقاتتارمەن اۋرۋحاناعا جاتقىزىلدى.
قازىرگى ۋاقىتتا وقيعانىڭ بارلىق ءمان-جايلارىن انىقتاۋعا باعىتتالعان قاجەتتى تەرگەۋ ارەكەتتەرى جۇرگىزىلىپ جاتىر.
بۇعان دەيىن سقو-دا جول اپاتىنان ءۇش ادام جاراقات العانىن حابارلاعانبىز.
ال جاپونيانىڭ گۋمما پرەفەكتۋراسى اۋماعىندا جاپپاي جول-كولىك وقيعاسى تىركەلىپ, 56 اۆتوكولىك سوقتىعىسقان.