زاڭسىز اكتيۆتەردى قايتارۋ تەتىكتەرى كۇشەيەدى

سۇحباتتا كەلتىرىلگەن دەرەكتەر اتقارىلعان جۇمىستىڭ اۋقىمىن كورسەتەدى. وسى كەزگە دەيىن 1,3 ترلن تەڭگەدەن اسا قاراجات ەل يگىلىگىنە قاي­تارىلدى. ونىڭ 1 ترلن تەڭگەدەن استامى مەم­لەكەت بيۋدجەتىن تولىقتىرۋعا باعىتتالدى. ارنايى قور ارقىلى بولىنگەن قارا­جات الەۋمەتتىك جوبالارعا جۇمسالىپ كەلەدى.

بۇل ۇدەرىستە قايتارىلعان اكتيۆتەردى باس­قارۋ كومپانياسى ماڭىزدى ءرول اتقارادى. ويتكەنى ول اكتيۆتەردىڭ اشىق ءارى ءتيىمدى ساتىلۋىن قام­تا­ما­سىز ەتىپ, ولاردى قوعام يگىلىگىنە اينالدىرىپ وتىر.

بىلتىر 17 جەلتوقسانداعى پرەزيدەنت جارلىعىنا سايكەس, اكتيۆتەردى قايتارۋ جونىن­دەگى كوميتەتتىڭ فۋنكتسيالارى مەن وكىلەت­تىكتەرى باس پروكۋراتۋراعا بەرىلدى. كوميتەت ينۆەس­تور­لار­دىڭ قۇقىقتارىن قورعاۋ كوميتەتى بولىپ قايتا قۇرىل­دى.

باس پروكۋراتۋرا زاڭسىز الىنعان اكتيۆتەردى قايتارۋ ماسەلەلەرى بويىنشا قۇقىق ميراسقورى بولىپ تانىلىپ, ونىڭ جانىنان ءتيىستى قىزمەت قۇرىلىپ, جۇمىس جاڭارتىلعان قۇرىلىمدا جالعاسىپ وتىر.

جالپى, كوميتەتتىڭ قايتا قۇرىلۋى ونىڭ مىن­دەتتەرىنەن باس تارتۋدى بىلدىرمەيدى. قاي­تارۋ تەتىكتەرى ۋاكىلەتتى مەملەكەتتىك ورگان­دار­دىڭ جۇمىسىنا ەنگىزىلدى, سونىمەن قاتار ادال ينۆەستورلاردىڭ قۇقىقتارىن قورعاۋ كۇشەي­تى­لىپ جاتىر. مۇنداي تەڭگەرىم ادىلەتتىلىكتى قال­پىنا كەلتىرۋگە دە, بيزنەس ءۇشىن قۇقىقتىق بول­جامدىلىقتى ساقتاۋعا دا مۇمكىندىك بەرەدى.

بيىلعى 3 قاڭتارداعى «قازاقستان رەس­پۋب­لي­كاسىنىڭ كونستيتۋتسيالىق سوتىنىڭ شەشىم­دەرىن ورىنداۋ جانە مەملەكەتكە زاڭسىز الىن­عان اكتيۆتەردى قايتارۋ ماسەلەلەرى بويىن­شا قازاقستان رەسپۋبليكاسىنىڭ كەيبىر زاڭ­نا­مالىق اكتىلەرىنە وزگەرىستەر مەن تولىقتى­رۋ­لار ەنگىزۋ تۋرالى» زاڭ اكتيۆتەردى قايتارۋ راسىم­دەرىن ناق­تى­لاپ, اشىقتىقتى كۇشەيتەدى جانە قاي­­تا­رىل­عان قاراجاتتى قوعام يگىلىگىنە باعىت­تاۋ­عا مۇمكىندىك بەرەتىن تەتىكتەردى كەڭەيتىپ وتىر.

5 ترلن تەڭگەدەن اساتىن ينۆەستيتسيالىق كەلىسىمدەر قاراپايىم كونفيسكاتسيادان ەكونوميكانى جانە ەلدىڭ ۇزاقمەرزىمدى دامۋىن قولدايتىن مودەلگە كوشۋدى كورسەتەدى.

وسى تۇستا قايتارىلعان اكتيۆتەردى باسقارۋ كومپانياسىنىڭ جۇمىسى ەرەكشە ماڭىزعا يە ەكەنىن ايتا كەتكەن ءجون. ويتكەنى ءبىز اشىق ساۋ­دالاردى, تسيفرلىق راسىمدەردى, قوعامدىق ەسەپتىلىكتى جانە اكتيۆتەردىڭ قوعام مۇددەسىنە ءتيىمدى پايدالانىلۋىن قامتاماسىز ەتەمىز. سول ارقىلى كومپانيا قىزمەتى ادىلەتتىلىك پەن اشىقتىققا نەگىزدەلگەن مەملەكەتتىك ساياساتتىڭ ماڭىزدى بۋى­نىنا اينالىپ كەلەدى.

قۋانىشبەك مۇقاش,

قايتارىلعان اكتيۆتەردى باسقارۋ كومپانياسىنىڭ باس ديرەكتورى