مادەنيەت قايراتكەرلەرى قۇرمەتتەلدى

جىل سايىن تاعايىندالا­تىن ستيپەنديا – مەملەكەتتىڭ شى­عار­­­ماشىلىق وكىلدەرى­نە, جاس تالانت­­­تارعا دەگەن ەرەكشە كوڭىلى مەن شى­نايى قۇرمەتى. ءارى بۇل – ولار­­دىڭ وتاندىق مادەنيەتتى دامى­­تۋعا ءارى حالىقارالىق دەڭ­گەيدە ىلگەرىلەتۋگە قوسقان ۇلە­سىن مو­يىنداۋ, لايىقتى باعالاۋ.

وسى جىلى 75 ادام مەم­لە­كەتتىك قولداۋعا يە بولدى. ولاردىڭ قاتارىندا مارفۋعا ايتقوجا, ولجاس سۇلەيمەنوۆ, گەننادي بالاەۆ, اقۇشتاپ باقتىگەرەەۆا, سماعۇل ەلۋباي, شايزا احمەتوۆا, التىنشاش جاعانوۆا, عابباس قابىش ۇلى, تىنىمباي نۇرماعانبەتوۆ, گۇلنار سالىقباەۆا, قايرات بايبوسىنوۆ, كاميللا لي, دوسحان جولجاقسىنوۆ, نۇر­عالي ءنۇسىپجان, جانعالي ءجۇزباي, يۋري كلۋشكين جانە باسقالارى بار. سونىمەن قاتار وپەرا ءانشىسى ماريا مۋدرياك, تەاتر اكتريساسى التىناي نۇربەك, كينو جانە تەاتر اكتەرى ءبازىل سۇلتانعازى, اكتريسالار سامال ەسلياموۆا مەن ەكاتەرينا ماكسيم جانە باسقا دا جاس تالانتتار مەملەكەتتىك ستيپەنديا­مەن ماراپاتتالدى.

مەملەكەتتىڭ قولداۋ شاراسى مادەنيەت قايراتكەر­لەرىنىڭ كاسىبي شەبەرلىگىن شىڭداۋعا, جاڭا يدەيالار مەن جوبالاردى جۇزەگە اسىرۋعا باعىتتالعان.

مەملەكەتتىك كەڭەسشى ەرلان قارين مادەنيەت جانە ونەر قايراتكەرلەرىن جۇيەلى قول­داۋ, مادەني ينفراقۇرى­لىم­دى ودان ءارى دامىتۋ پرە­زي­دەنت قاسىم-جومارت توقاەۆ سايا­ساتى­نىڭ نەگىزگى باسىم­دىق­تارى­نىڭ ءبىرى ەكەنىن اتاپ ءوتتى. مەملەكەتتىك قول­داۋ شارالارى شىعارماشى­­­­لىق­تىڭ ءورىسىن كەڭەيتىپ, ەل­­دەگى مادەني تۇتاستىقتى نى­­عاي­تۋعا, حالىقارالىق ما­­دەني كەڭىستىكتە ەلىمىزدىڭ ابىرويىن اسقاقتاتۋعا ىق­­پال ەتەدى.