ۇكىمەتتە وتكەن بريفينگتە دامير سەيسەمبەكوۆ جاڭا ەرەجە بويىنشا SIM-كارتانىڭ وزدىگىنەن ىسكە قوسىلمايتىنىن ايتتى.
«ەگەر ءسىز, ايتالىق, دۇكەنگە بارىپ SIM-كارتا ساتىپ الساڭىز, ول ءوز اتىڭىزعا بيومەتريالىق سايكەستەندىرۋدەن وتپەيىنشە جۇمىس ىستەمەۋى ءتيىس», دەدى كوميتەت باسشىسى.
بيومەتريادان ءوتۋ جولدارى:
حابارلاما ارقىلى: ابونەنت SIM-كارتانى تەلەفونعا سالعان كەزدە, وعان ارنايى نۇسقاۋلىق جازىلعان حابارلاما كەلەدى.
ءموبيلدى قوسىمشا ارقىلى: ەلىمىزدەگى ءۇش ءىرى بايلانىس وپەراتورىنىڭ قوسىمشالارىندا بيومەتريادان ءوتۋ مۇمكىندىگى قاراستىرىلعان.
رەسمي بولىمشەلەردە: ەگەر ازاماتتا سمارتفون بولماسا, سونداي-اق بيومەتريادان ءوتۋ قيىندىق تۋدىرسا, ۇيالى بايلانىس وپەراتورلارىنىڭ رەسمي ساتۋ بولىمدەرىنە جۇگىنۋىنە بولادى.
«جالپى العاندا, بۇگىنگى تاڭدا دۇكەننەن SIM-كارتا ساتىپ الۋدىڭ ەش ءمانى جوق دەپ ەسەپتەيمىن. مۇنى وپەراتورلاردىڭ ءموبيلدى قوسىمشالارى ارقىلى وڭاي جاساۋعا بولادى», دەپ تۇيىندەدى دامير سەيسەمبەكوۆ.