جەڭىمپاز ستارتاپ جوبالار

– ءبىز بۇل بايقاۋدى بىرنەشە جىلدان بەرى وتكىزىپ كەلەمىز. وسى ءىس-شارا اياسىندا كوپتەگەن كوماندا ءۇشىن ينۆەستور جانە نارىق ساراپشىلارىمەن العاشقى ديالوگ باستاۋعا مۇمكىندىك بەرىلدى. ءبىر جاعىنان, 2025 جىلى ستارتاپتار تاراپىنان قىزىعۋشىلىق وتە جوعارى بولدى. وعان 132 ءوتىنىم كەلىپ ءتۇستى. ال فينالعا مىقتى تەحنولوگيالىق جوبالار ۇسىنىلدى. «Astana Hub» – كاسىپكەرلىك ەكوجۇيەنى جۇيەلى دامىتىپ, ستارتاپتارعا ءبىلىم بەرۋ, ينكۋباتسيا جانە اكسەلەراتسيا باعدارلامالارىن حالىقارالىق دەڭگەيدە تانىتۋعا جول اشادى. ءبىزدىڭ مىندەتىز – بولاشاعى مول تەحنولوگيالىق شەشىمدەردىڭ جاھاندىق نارىققا شىعۋىنا قولايلى جاعداي جاساۋ, – دەدى «Astana Hub» باسقارۋشى ديرەكتورى ۆالەريا تيو.

سونىمەن «Pizza Pitch- 2025» بايقاۋىنىڭ جەڭىمپازى «Cor­texAI» ستارتاپى اتاندى. جوبا – بيوستاتيستي­كا مەن بيوماتەماتيكاعا نەگىز­دەلگەن. بۇل دونورلىق بۇيرەك­تى ىرىك­تەۋگە جانە ترانسپ­لانتات­تىڭ قا­­بىلدان­باي قالۋ قاۋ­پىن بول­جاۋعا ارنال­عان جاساندى ين­­تەللەكت شە­شىمى. سون­داي-اق كلينيكالىق شەشىم­نىڭ دال­دىگىن ارتتىرىپ, تران­سپ­لان­تو­لوگياداعى مەدي­تسينالىق كو­مەكتىڭ ساپاسىن جاقسارتادى. ال ەكىنشى ورىندى – «BEST Vision Technologies» ستارتاپى يەلەندى. مۇندا AI-اسسيستەنت­تەر مەن LLM-تەحنو­لوگياسىن قولدانا وتىرىپ, ونەركاسىپتىك قاۋىپ­سىزدىك سالاسىنا ارنالعان باعدار­لامالىق قامتاماسىز ەتۋ مەن «اقىلدى» كاسكالار شى­­عارا­دى. ءۇشىنشى ورىن «Repe­tino» پلاتفورماسىنا بۇيىر­دى. بۇل رەپەتيتورلاردى ىز­دەۋ­گە جانە جەكە ونلاين ساباق­تار­دى تاڭداۋ­عا ارنالعان قىز­مەت. پلات­فورما «TikTok» فورما­تىن­داعى بەينەجازبالار ارقى­لى وقى­تۋشىنى جىلدام تاڭداپ بەرەدى.

سونىمەن قاتار فينالعا «AI-target 7s», «OcuWave», «qMedAI», «YerAI Mentor», «Project I Barsum», «Flyhunt.ai», «Zhancare» جانە «Argos» ستارتاپتارى دا قاتىستى. ولار جي, مەديتسينا, ءبىلىم بەرۋ, رەكرۋتينگ, ەنەرگەتيكا جانە قىزمەتتەردى تسيفرلاندىرۋ سالاسىنداعى شەشىمدەرىن ۇسىنىپ, وزەكتى سالالىق جانە الەۋمەتتىك ماسەلەلەردى شەشۋگە باعىتتالعان جوبالارىن قورعادى.

ءىس-شارا سوڭىندا بارلىق جەڭىمپاز بەن قاتىسۋشىلار سەرىكتەستەر تاراپىنان باعالى سىيلىقتارمەن ماراپاتتالدى.

ازامات قۇسايىن