1911 جىلى ەدينبۋرگتەگى «Empire Palace» تەاترىندا سپەكتاكل ءجۇرىپ جاتقان كەزدە كەنەت ءتۇتىن تۇتاپ, ءورت باستالادى. ءبىر قىزىعى, تەاتر ديرەكتورى دۇرلىككەن جۇرتتى ءبىر ساتتە ساباسىنا تۇسىرەدى.
ءورتتىڭ باستالعانىن كورگەن كورەرمەن قورىققاننان ءبىرىن-ءبىرى باسىپ-شانشىپ, ايقاي-شۋ شىعارىپ ەسىككە قاراي ۇمتىلادى. سول كەزدە ديرەكتور ادامداردى سابىرعا شاقىرىپ, تەزىرەك عيماراتتان شىعارۋ ءۇشىن ەرەكشە ءتاسىل تابادى. ول بۇندايدا جۇرتتىڭ «تىنىشتالىڭىزدار» دەگەن ءسوزدى تىڭدامايتىنىن ءبىلىپ, وركەسترگە گيمن ويناۋعا پارمەن بەرەدى. سوندا كورەرمەندەر ەسكى ادەتپەن ءانۇران ويناعاندا ورنىندا قاتىپ تۇرا قالادى. وسى ءساتتى پايدالانعان ديرەكتور كوپشىلىكتىڭ نازارىن اۋدارىپ: ء«تارتىپ ساقتاپ, ءبىر-بىرىمىزگە زيان كەلتىرمەي شىعايىق», دەگەن ءسوزىن ايتىپ ۇلگەرەدى. وسىلايشا, دەنەنىڭ اۆتوماتتى رەفلەكسىنىڭ ارقاسىندا ەشكىم زارداپ شەكپەگەن.