28 ماۋسىم – بۇقارالىق اقپارات قۇرالدارى قىزمەتكەرلەرىنىڭ كاسىبي مەرەكەسى قارساڭىندا پرەمەر-ءمينيستردىڭ ورىنباسارى بەردىبەك ساپارباەۆ اقپارات جانە بايلانىس سالاسى قىزمەتكەرلەرىن ءتول مەرەكەلەرىمەن قۇتتىقتاپ, ناگرادا يەلەرىنە ارنايى توسبەلگى تابىس ەتتى.
سالتاناتتى مەرەكەلىك شارا بارىسىندا بەردىبەك ماشبەك ۇلى: «سىزدەر بيلىك پەن حالىقتىڭ اراسىنداعى كوپىر بولىپ ەسەپتەلەسىزدەر. قاراپايىم حالىق سىزدەر ارقىلى وزدەرىنىڭ شەشىلمەي جاتقان ماسەلەلەرىن بيلىككە جەتكىزىپ, شەشەدى. سىزدەر ەكونوميكامىزدىڭ دامۋىنا ۇلكەن ۇلەس قوساسىزدار. ويتكەنى, قازىرگى دامۋ زامانىندا ەڭ قىمبات, ەڭ كەرەك نارسە – مالىمەت. سىزدەر مەملەكەتكە, ونىڭ ىشىندە ۇكىمەتكە تەز, جىلدام كەرەكتى مالىمەتتەردى بەرەسىزدەر. سول سىزدەر بەرگەن مالىمەتتەردى تالداۋ مەن زەرتتەۋدىڭ ناتيجەسىندە بىزدەر ءوزىمىزدىڭ جوسپارلارىمىزعا وزگەرىستەر ەنگىزىپ, ەلىمىزدىڭ ەكونوميكاسىنىڭ دامۋىنا ۇلەس قوسامىز», – دەدى ب.ساپارباەۆ.
ۇكىمەت باسشىسىنىڭ ورىنباسارى ءوز سوزىندە ەلىمىزدە «اقپاراتتىق قازاقستان-2020» باعدارلاماسى جۇزەگە اسىرىلىپ جاتقانىن اتاپ ءوتتى. ونىڭ سوزىنە قاراعاندا, وسى باعدارلامانىڭ ارقاسىندا ەلىمىزدەگى اقپاراتتىق جۇيە جاقسى دامىپ كەلەدى. «بىرىككەن ۇلتتار ۇيىمىنىڭ رەيتينگىنە سايكەس, قازاقستانداعى بايلانىس سالاسىنداعى اقپاراتتىڭ دامۋى الدىڭعى قاتاردا. ونىڭ ىشىندە عالامتوردىڭ, ۇيالى بايلانىستىڭ باعاسى جىلدان جىلعا تومەندەي تۇسۋدە. قازىرگى تاڭدا قازاقستان ۇيالى بايلانىس ءتاريفى بويىنشا الەمدە 17-ءشى, ال عالامتور بويىنشا 8-ءشى ورىندا», – دەدى ول.
سونداي-اق, شارا بارىسىندا ينۆەستيتسيالار جانە دامۋ ءمينيسترى اسەت يسەكەشەۆ اتالعان سالا قىزمەتكەرلەرىن «اقپارات سالاسىنىڭ ۇزدىگى» توسبەلگىسىمەن ماراپاتتاپ, اتالعان سالا ماماندارىن الداعى ۋاقىتتا دا ەل ابىرويىن اسقاقتاتا بەرۋگە شاقىردى. شاراعا بەلگىلى قوعام قايراتكەرلەرى, ءماجىلىس دەپۋتاتتارى جانە باق وكىلدەرى قاتىستى. شارا سوڭى شاعىن مەرەكەلىك كونتسەرتكە ۇلاستى.
راۋشان تاۋىرحانقىزى,
جۋرناليست.