ەل تۇرعىندارى ەندى كولىك ءنومىرىن وزدەرى تاڭداي الادى

كولىك ءنومىرىنىڭ قاجەتتى سان جانە ءارىپ كومبيناتسياسىن مامانداندىرىلعان حالىققا قىزمەت كورسەتۋ ورتالىقتارىنان تاڭداۋعا بولادى. 

كەز كەلگەن سان مەن ارىپ كومبيناتسياسىن 10 اەك (43 250 تەڭگە) نەمەسە 15 اەك (64 875 تەڭگە) تولەپ الۋعا بولادى. 

تەك جوعارى سۇرانىسقا يە VIP-نومىرلەر ءۇشىن تولەم مولشەرى وزگەرەدى. 

ماسەلەن, 010, 020, 030, 040, 050, 060, 070, 077, 080, 090 جانە 707 سىندى  VIP-نومىرلەردىڭ قۇنى – 57 اەك (246 525 تەڭگە) بولىپ بەكىتىلگەن.

وسىعان ۇقساس ساندار بىردەي ارىپتەر كومبيناتسياسىمەن تاڭداعان جۇرگىزۋشىلەر 114 اەك (493 050 تەڭگە) تولەۋى ءتيىس. 

100, 111, 200, 222, 300, 333, 400, 444, 500, 555, 600, 666, 700, 800, 888, 900, جانە 999 سىندى ساندار تىزبەگىنىڭ قۇنى – 137 اەك (592 525 تەڭگە). وسى ساندارعا قوسا بىردەي ارىپتەردى تاڭدايتىن بولساڭىز – 194 اەك (839 050 تەڭگە) تولەۋ كەرەك.

001-009 ارالىعى مەن 777 سىندى نومىرلەر قۇنى – 228 اەك (986 100 تەڭگە) بولسا, وسى نومىرلەر تىزبەگىندە بىردەي ارىپتەن قۇرالعان كومبيناتسيا ءۇشىن – 285 اەك (1 232 625 تەڭگە) شىعىنداۋىڭىز قاجەت.