قازاقستاننىڭ ىشكى ىستەر مينيسترلىگى الەۋمەتتىك جەلىلەر مەن WhatsApp مەسسەندجەرىندە تاراپ جاتقان اۋديوجازباعا قاتىستى رەسمي مالىمدەمە جاسادى, دەپ حابارلايدى Egemen.kz.
سوڭعى كۇندەرى جۇرگىزۋشىلەر اراسىندا «ەندى وزىڭمەن بىرگە قۇجاتتاردىڭ تۇپنۇسقاسىن الىپ ءجۇرۋ مىندەتتى بولادى» دەگەن مازمۇنداعى داۋىستىق حابارلاما جاپپاي تاراعان بولاتىن.
ءىىم بۇل اقپاراتتىڭ شىندىققا جاناسپايتىنىن جانە جۇرگىزۋشىلەر ءۇشىن ەشقانداي جاڭا تالاپ ەنگىزىلمەگەنىن ايتتى.
«WhatsApp مەسسەندجەرىندە جۇرگىزۋشىلەر ەندى بارلىق قۇجاتتارىن وزىمەن بىرگە الىپ ءجۇرۋى ءتيىس دەگەن داۋىستىق حابارلاما شىندىققا جاناسپايدى. راستالماعان مالىمەتتەردى تاراتپاۋدى جانە تەك رەسمي اقپارات كوزدەرىنە سەنۋدى سۇرايمىز», دەلىنگەن ۆەدومستۆو حابارلاماسىندا.