سولتۇستىك كورەيا گيپەردىبىستىق زىمىرانداردى ءساتتى ۇشىرىپ, الەمدىك قاۋىمداستىقتى تاعى دا ەلەڭ ەتكىزدى. كيم چەن ىننىڭ قاتىسۋىمەن وتكەن بۇل سىناقتار اقش-تىڭ ۆەنەسۋەلاداعى اسكەري وپەراتسياسىمەن جانە نيكولاس مادۋرونىڭ سوتقا تارتىلۋىمەن تۇسپا-تۇس كەلىپ وتىر, دەپ حابارلايدى Egemen.kz.
اقش ۆەنەسۋەلانىڭ استاناسى كاراكاسقا اۋە سوققىلارىن جاسادى
Reuters اگەنتتىگىنىڭ ساراپشىلارى بۇل سىناقتى پحەنياننىڭ ۆاشينگتونعا بەرگەن سەسى دەپ باعالايدى. كورەي ۇلتتىق بىرىگۋ ينستيتۋتىنىڭ مامانى حون ءميننىڭ ايتۋىنشا, كيم چەن ىننىڭ «سوڭعى داعدارىس» تۋرالى ءسوزى اقش-تىڭ ۆەنەسۋەلاعا جاساعان اسكەري سوققىلارىنا تىكەلەي قاتىستى. بۇۇ قاۋىپسىزدىك كەڭەسى ۆەنەسۋەلاداعى جاعدايعا بايلانىستى شۇعىل وتىرىس وتكىزەدى ايتا كەتەيىك, بۇل سىناقتار ۆەنەسۋەلانىڭ بۇرىنعى پرەزيدەنتى نيكولاس مادۋرو مەن ونىڭ جۇبايى اقش-قا جەتكىزىلىپ, 2026 جىلدىڭ 5 قاڭتارىندا فەدەرالدى سوت الدىندا جاۋاپ بەرەتىن ساتتە ورىندالدى. دونالد ترامپ اكىمشىلىگى ۆەنەسۋەلاعا قارسى جاڭا اسكەري شارالاردى قولدانۋدى جالعاستىرۋى مۇمكىن.ۆەنەسۋەلا كوشباسشىسى بۇگىن سوتقا تارتىلادى
سونىمەن قاتار زىمىران ۇشىرۋ ءساتى وڭتۇستىك كورەيا پرەزيدەنتى لي چجە ميوننىڭ قىتايعا ساپارىمەن جانە سي تسزينپينمەن كەزدەسۋىمەن سايكەس كەلدى. بۇل ايماقتاعى شيەلەنىستى ودان ءارى ارتتىرا ءتۇستى. ەۋروپالىق وداق بولسا, حالىقارالىق قۇقىقتى ساقتاي وتىرىپ, جاعدايدى بەيبىت جولمەن شەشۋگە شاقىرىپ جاتىر.