استانا. 23 ناۋرىز. ياكۋتيا-ساحانىڭ قالا مەرى سايلاۋىندا جۇرگىزۋشى جىگىت «ەدينايا روسسيا» پارتياسىنىڭ وكىلىنەن كوپ داۋىس جيناپ, جەڭىسكە جەتتى. بۇل تۋرالى ۆۆس حابارلادى.
«ياكۋتيانىڭ نيجنەيانسك قالاسىنىڭ باسشىسى ورىنتاعى ءۇشىن بولعان تالاستا ءوزىن ءوزى ۇسىنعان جۇك تيەكشى ماشينانىڭ جۇرگىزۋشىسى گەرمان كوروۆين ۇتىپ كەتتى», - دەپ مالىمدەدى راديوستانسا ءتىلشىسى.
«كوممەرسانت» گازەتى حابارلاعانداي, قىزىق بولعاندا, شوفەر جىگىت وزىنە باسەكەلەس بولعان تىكەلەي باستىعى, «ەدينايا روسسيا» پارتياسىنىڭ وكىلى ۆلاديمير كريچيننەن بار بولعانى ءبىر داۋىستى ارتىق الىپ, تارازى باسىن وزىنە اۋدارىپ اكەتكەن.
ناۋرىزدىڭ 15-ءى كۇنى وتكەن سايلاۋعا قاتىسۋعا قۇقى بار ادامداردىڭ 75 پايىزى, ياعني 161 سايلاۋشى كەلگەن.
نيجنەيانسك – ياكۋتياداعى قالا تيپتەس كەنت, اۋدان ورتالىعى.
مۇرات ايتقوجا.