2026 جىلدىڭ باسىندا جەر بەتىندە العاشقى ماگنيتتىك داۋىل تىركەلدى, دەپ حابارلايدى Egemen.kz.
بۇل قۇبىلىس 2 قاڭتار كۇنى شامامەن تۇنگى 23:00-دە (ماسكەۋ ۋاقىتىمەن) بايقالىپ, وزىنە ءتان ەرەكشەلىك رەتىندە عالامشارلىق سيپات الدى. بۇل تۋرالى رەسەي عىلىم اكادەمياسىنا قاراستى عارىشتىق زەرتتەۋلەر ينستيتۋتىنىڭ كۇن استرونومياسى زەرتحاناسىنىڭ رەسمي تەلەگرام ارناسىندا مالىمدەلدى.
– وتكەن جىلمەن سالىستىرعاندا, بيىل قاڭتار ايى اناعۇرلىم قالىپتى قۇبىلىسپەن باستالدى. قازىرگى دەڭگەي G1 (ەڭ تومەنگى) شاماسىندا, الايدا ونىڭ G2 دەڭگەيىنە دەيىن كۇشەيۋى مۇمكىن, – دەلىنگەن حابارلامادا.
سونىمەن قاتار, وتكەن جىل گەوماگنيتتىك بەلسەندىلىك تۇرعىسىنان وتە قارقىندى بولدى. بىرقاتار كورسەتكىش بويىنشا سوڭعى 10 جىلدىقتى, ال كەيبىرى بويىنشا 20 جىلدىق رەكوردتاردى جاڭارتتى.
– جاڭا جىل باستاپقىدا ايتارلىقتاي تىنىش بولادى دەپ كۇتىلمەگەن ەدى, ال ماگنيتتىك داۋىلدىڭ وسىنشالىقتى ەرتە باستالۋى بۇل بولجامدى ودان ءارى كۇشەيتە ءتۇستى, – دەپ اتاپ ءوتتى عالىمدار.
بۇعان دەيىن عالىمدار 2026 جىلى ماگنيتتىك داۋىلداردىڭ ءجيى بولاتىنىن ەسكەرتكەن ەدى.