استانا. 23 ناۋرىز. كىشى ۆيكتور يانۋكوۆيچتىڭ دەنەسى جەر قوينىنا بەرىلۋ ءۇشىن بۇگىن قىرىم تۇبەگىنە جەتكىزىلدى. بۇل تۋرالى ءوزىنىڭ مانبەسىنە سۇيەنگەن ريا «نوۆوستي» حابارلادى.
«مارقۇمنىڭ تابىتى سالىنعان ۇشاق بالبەك اەروپورتىنا كەلىپ قوندى», - دەپ باياندادى مانبە يەسى. ونىڭ سوزىنە قاراعاندا, يانۋكوۆيچتى جوقتاۋ 24 ناۋرىز كۇنى سەۆاستوپولدىڭ حرامدارىنىڭ بىرىندە وتەدى. ال جەرلەۋ ءراسىمى 25 ناۋرىزدا يالتادا بولادى.
«ەگەر وسىعان بايلانىستى ۇلكەن شۋ مەن دۋ-دابىر كوتەرىلىپ كەتەر بولسا, وندا مارقۇمنىڭ تۋعان-تۋىستارى تراۋر پروتسەسسيامى ورنىن وزگەرتىپ, باسقا ايماققا كوشىرۋ جونىندە شەشىم قابىلدايدى», - دەپ اتاپ ءوتتى مانبە.
بۇدان بۇرىن ايماقتار پارتياسى كىشى يانۋكوۆيچتىڭ قازا تاپقانىن راسقا شىعارعانى بەلگىلى بولعان ەدى.
مۇرات ايتقوجا.
مانبە, سۋرەت: ريا «نوۆوستي».