اقتاۋدا جەڭىل اۆتوكولىك پەن تەپلوۆوز سوقتىعىستى, دەپ حابارلايدى Egemen.kz.
اپات 2 قاڭتار كۇنى تاڭەرتەڭ «گەليوس» جانارماي قۇيۋ بەكەتى ماڭىنداعى تەمىرجول وتكەلىندە بولعان.
الدىن الا مالىمەتتەر بويىنشا, Chevrolet ماركالى اۆتوكولىكتى باسقارعان ايەل جاقىنداپ كەلە جاتقان تەپلوۆوزدى بايقاماي, تەمىرجول قۇرامىمەن سوقتىعىسقان. سوققى ءدال سول ساتتە پويىز ءوتىپ جاتقان وتكەلدە ورىن العان.
وقيعانىڭ ءمان-جايى ناقتىلانۋدا. اپات ورنىندا پوليتسيا قىزمەتكەرلەرى مەن جەدەل قىزمەت وكىلدەرى جۇمىس ىستەدى.
ماڭعىستاۋ وبلىستىق پوليتسيا دەپارتامەنتىندە جەڭىل اۆتوكولىك جۇرگىزۋشىسىنە قاتىستى اكىمشىلىك حاتتاما تولتىرىلعانىن حابارلادى. ءىس اكىمشىلىك قۇقىق بۇزۋشىلىق تۋرالى كودەكستىڭ 610-بابى, جول ءجۇرىسى قاعيدالارىن بۇزۋ, ادامنىڭ دەنساۋلىعىنا زيان كەلتىرۋ جانە م ۇلىككە زالال كەلتىرۋ بويىنشا قوزعالعان.
قۇقىق قورعاۋ ورگاندارى تەمىرجول وتكەلدەرىنەن ءوتۋ كەزىندە بارىنشا مۇقيات بولۋ قاجەتتىگىن ەسكە سالدى.
ماڭعىستاۋ وبلىستىق كوپبەيىندى اۋرۋحاناسىنىڭ مالىمەتىنشە, زارداپ شەككەن ايەلدىڭ بىلەگى سىنعان. ونىڭ جاعدايى ورتاشا اۋىر دەپ باعالانادى, ومىرىنە قاۋىپ جوق.