بيىلعى العاشقى 10 ايدا ەلىمىزگە 75,6 مىڭ توننا ماندارين, تانجەرين جانە ساتسۋما سورتى اكەلىندى, دەپ جازادى Egemen.kz.
بۇل 2024 جىلدىڭ سايكەس كەزەڭىمەن سالىستىرعاندا 21%-عا كوپ. وسىلايشا, كەيىنگى 10 جىلداعى ەڭ جوعارى يمپورت كولەمى تىركەلدى.
ۇلتتىق ستاتيستيكا بيۋروسى – ستراتەگيالىق جوسپارلاۋ جانە رەفورمالار اگەنتتىگىنە قاراستى مەملەكەتتىك ورگاننىڭ دەرەگىنە سايكەس, 2015-2016 جىلدارى بارلىق تسيترۋس پەن ولاردىڭ گيبريدتەرىنىڭ يمپورت كولەمى قازىرگى كورسەتكىشتەن ايتارلىقتاي تومەن بولعان.
يمپورت كولەمى ارتقانىنا قاراماستان, ونىڭ اقشالاي كولەمى قىسقاردى. 2025 جىلى ماندارين جەتكىزۋگە 37 ملن دوللار جۇمسالدى, ال ءبىر جىل بۇرىن بۇل كورسەتكىش 38 ملن دوللار بولعان. ورتاشا العاندا 1 توننا ءونىمنىڭ قۇنى 20%-عا ارزاندادى.
الايدا بۇل تومەندەۋ بولشەك ساۋداداعى باعالارعا قالاي اسەر ەتەتىنى ازىرگە بەلگىسىز. رەسمي ستاتيستيكا تۇتىنۋشىلار ءۇشىن ناقتى باعا ديناميكاسىن باعالاۋعا مۇمكىندىك بەرمەيدى.