قايعىلى جاعداي وسى جىلدىڭ 19 تامىزىندا بەستەرەك اۋىلىندا بولعان. تەرگەۋ مالىمەتتەرى بويىنشا, 55 جاستاعى ەر ادام 2013 جىلدان بەرى «ەپيلەپسيا» دياگنوزىمەن ەسەپتە تۇرعانىنا قاراماستان, كولىك تىزگىندەۋىن توقتاتپاعان.
كولىك باسقارىپ كەلە جاتقاندا ۇستاماسى باستالىپ, جول جيەگىندە ويناپ جۇرگەن 2 مەن 9 جاس ارالىعىنداعى التى بالانى قاققان. سالدارىنان ەكى بالا وقيعا ورنىندا, ءۇشىنشىسى اۋرۋحاناعا جەتپەي كوز جۇمدى.ء تورتىنشى قىزدىڭ ءومىرى ءۇشىن دارىگەرلەر بىرنەشە اي بويى كۇرەسكەنىمەن, ونى امان الىپ قالۋ مۇمكىن بولمادى. تاعى ەكى بالا ءتۇرلى دەنە جاراقاتىن العان.
بەستەرەكتە بولعان اپاتتان زارداپ شەككەن تاعى ءبىر بالا كوز جۇمدى
سوت ايىپتالۋشىنى كىنالى دەپ تانىپ, ونى 9 جىلعا باس بوستاندىعىنان ايىردى. سونداي-اق ول 7 جىل بويى كولىك باسقارۋ قۇقىعىنان ايىرىلدى. سونىمەن قاتار سوتتالعان ازامات قازا تاپقان بالالاردىڭ جاقىندارىنا مورالدىق شىعىن رەتىندە 50 ميلليون تەڭگە تولەۋگە مىندەتتەلدى.
بەستەرەكتەگى 4 بالانىڭ ولىمىنە سەبەپ بولعان جول اپاتىنا قاتىستى ءىس سوتقا جىبەرىلدى
سوت ۇكىم شىعارۋ كەزىندە ايىپتالۋشىنىڭ كىناسىن مويىنداۋىن جانە اسىراۋىندا بالاسى بارىن ەسكەرگەن, الايدا قىلمىستىڭ جاس بالالارعا قاتىستى جاسالۋى اۋىرلاتۋشى جاعداي رەتىندە قاراستىرىلدى.