قازىر وبلىس اۋماعىندا «قۇقىقتىق ءتارتىپ» پروفيلاكتيكالىق اكتسياسى ءجۇرىپ جاتىر. ءىس-شارا بارىسىندا الكوگولدىك ماساڭ كۇيدە كولىك قۇرالىن باسقارعان 8 جۇرگىزۋشى انىقتالعان, دەپ حابارلايدى Egemen.kz.
ولار سوت شەشىمىمەن 15 تاۋلىككە اكىمشىلىك قاماققا الىنىپ, 7 جىلعا كولىك قۇرالىن باسقارۋ قۇقىعىنان ايىرىلدى. اكتسياعا جىلدام قيمىلدايتىن ارنايى جاساق قىزمەتكەرلەرى, ۇلتتىق ۇلان ساربازدارى مەن وبلىستىق پوليتسيا دەپارتامەنتىنىڭ بارلىق جەكە قۇرامى جۇمىلدىرىلدى. ولار قوعامدىق تاماقتانۋ ورىندارىندا دا ورتاق تالاپتىڭ ساقتالۋىن قاداعالايدى.
وسىنداي تەكسەرۋ بارىسىندا 1 كۇندە ءدامحانالار مەن مەيرامحانالاردا كاليان شەگۋدىڭ 6 دەرەگى انىقتالىپتى. ەندى ولارعا قاتىستى اكىمشىلىك قۇقىق بۇزۋشىلىق كودەكسىنىڭ 441 بابىمەن ءتيىستى شارا كورىلىپ, حاتتاما تولتىرىلادى. ال كاسىپ يەسىنە قاتىستى قۇجاتتار جيناقتالىپ, قالالىق سانيتارلىق-ەپيدەميولوگيالىق باسقارماسىنا جولدانادى.
رەيد جۇمىستارى ءالى دە جالعاسادى.