قىرعىز رەسپۋبليكاسىنىڭ ۇقمك شەكارا قىزمەتىنىڭ اقپارات جانە كوممۋنيكاتسيالار باسقارماسى قازاقستانمەن شەكارادا ازاماتتار مەن اۆتوكولىكتەردىڭ ءوتۋى ۋاقىتشا توقتاتىلاتىنىن حابارلادى, دەپ جازادى Egemen.kz.
تەحنيكالىق جۇمىستاردىڭ جۇرگىزىلۋىنە بايلانىستى 30 جەلتوقسان كۇنى ساعات 13:00-دەن 15:00-گە دەيىن «چوڭ-كاپكا – اۆتوجول» وتكىزۋ بەكەتى ارقىلى ادامدار مەن اۆتوكولىك قۇرالدارىن وتكىزۋ توقتاتىلادى.
ۆەدومستۆونىڭ مالىمەتىنشە, «چوڭ-كاپكا – اۆتوجول» وتكىزۋ بەكەتى قىرعىز رەسپۋبليكاسىنىڭ تالاس وبلىسىندا, قىرعىز-قازاق مەملەكەتتىك شەكاراسىندا ورنالاسقان.
وسىعان بايلانىستى قىرعىز رەسپۋبليكاسىنىڭ شەكارا قىزمەتى ازاماتتاردى قازاقستان-قىرعىزستان شەكاراسىنان ءوتۋ ءۇشىن قوزعالىس باعىتىن الدىن الا جوسپارلاپ, جاقىن ماڭداعى وزگە وتكىزۋ بەكەتتەرىن پايدالانۋعا شاقىردى.