بۇگىن تاڭەرتەڭنەن اۋا رايىنىڭ ناشارلاپ, جولداردىڭ كوكتايعاق بولۋىنا بايلانىستى 5 وبلىستا كولىكتىڭ بارلىق ءتۇرى ءۇشىن قوزعالىسقا تىيىم سالىنىپ وتىر. «قازاۆتوجول» كومپانياسى جول جايىنا قاتىستى تولىق اقپاراتتى 1403 بايلانىس ورتالىعىنان بىلۋگە بولاتىنىن حابارلادى, دەپ جازادى Egemen.kz.
اقمولا وبلىسى:
«استانا – كوكشەتاۋ – پەتروپاۆل – رف شەكاراسى» كۇرە جولىنىڭ 232–304 شاقىرىم ارالىعىندا (ششۋچينسك قالاسىنان كوكشەتاۋ قالاسىنا دەيىن) جول جابىق.
وڭىردەگى تاعى ءبىر رەسپۋبليكالىق ماڭىزى بار «استانا – اتباسار – جاقسى – رۋزاەۆكا – سارىكول – قوستاناي – رف شەكاراسى» 135–280 شاقىرىم ارالىعىندا (استاراحانكا اۋىلىنان اتباسار قالاسىنا دەيىن) بارلىق كولىك قوزعالىسىنا شەكتەۋ قويىلدى.
«استانا – كوكشەتاۋ – پەتروپاۆل – رف شەكاراسى» اۆتوجولىنىڭ 304–341 شاقىرىم ارالىعىندا دا جول جابىلدى (كوكشەتاۋ قالاسى – سقو شەكاراسى).
سونداي-اق «كوكشەتاۋ – رۋزاەۆكا» اۆتوجولىنىڭ 0–61 شاقىرىم ارالىعىندا (كوكشەتاۋ قالاسىنان سقو شەكاراسىنا دەيىن) كولىك قوزعالىسى شەكتەلدى.
«كوكشەتاۋ – كىشكەنەكول – بيدايىق» اۆتوجولىنىڭ 2–50 شاقىرىم ارالىعىندا (كوكشەتاۋ قالاسى – سقو شەكاراسى) كولىك قوزعالىسىنا شەكتەۋ قويىلدى.
سولتۇستىك قازاقستان وبلىسى:
«استانا – كوكشەتاۋ – پەتروپاۆل – رف شەكاراسى» اۆتوجولىنىڭ 341-367 شاقىرىم ارالىعى (اقمولا وبلىسى شەكاراسى – كەللەروۆكا اۋىلى) دا جابىلدى.
«كوكشەتاۋ – رۋزاەۆكا» اۆتوجولىنىڭ 61–91 شاقىرىم ارالىعى (اقمولا وبلىسىنىڭ شەكاراسىنان – ساۋمالكول اۋىلىنا دەيىن) مەن «كوكشەتاۋ – كىشكەنەكول – بيدايىق» اۆتوجولىنىڭ 50–85 شاقىرىم ارىلىعىندا (اقمولا وبلىسىنىڭ شەكاراسى – چكالوۆ اۋىلى) كولىك قوزعالىسى شەكتەلدى. اتالعان كۇرەجولداردى 30 جەلتوقسان ساعات 12:00-دە اشۋ جوسپارلانعان.
قاراعاندى وبلىسى:
«قىزىلوردا – جەزقازعان – قاراعاندى – شىدەرتى» اۆتوجولىنىڭ 970–1135 شاقىرىم ارالىعى (قاراعاندى قالاسىنان پاۆلودار وبلىسىنىڭ شەكاراسىنا دەيىن) مەن «استانا – قاراعاندى – الماتى» اۆتوجولىنىڭ 248–359 شاقىرىم ارالىعىندا (اتامەكەن كەنتىنەن اقسۋ-ايۋلى كەنتىنە دەيىن) جول جابىلدى.
وڭىردەگى «استانا – قاراعاندى – الماتى» اۆتوجولىنىڭ 164–197 شاقىرىم ارالىعىندا دا (تەمىرتاۋ اقى الۋ پۋنكتىنەن قاراعاندى قالاسىنا دەيىن) كولىكتىڭ بارلىق ءتۇرى ءۇشىن قوزعالىس شەكتەلدى. «قازاۆتوجول» كومپانياسىنىڭ حابارلاۋىنشا, جولدى ساعات 12:00-دە اشۋ جوسپارلانعان.
پاۆلودار وبلىسى:
«قىزىلوردا – جەزقازعان – قاراعاندى – شىدەرتى» اۆتوجولىنىڭ 1135–1206 شاقىرىم ارالىعىندا كولىك قوزعالىسى شەكتەلدى. (قاراعاندى وبلىسىنىڭ شەكاراسىنان شىدەرتى اۋىلىنا دەيىن). اتالعان جول بولىگىن 15:00-دە اشۋ جوسپارلانعان.
قوستاناي وبلىسى:
تاڭعى ساعات 9: 00-دەن باستاپ «قوستاناي – اۋليەكول – سۇرعان» اۆتوجولىنىڭ 8–108 شاقىرىمى ارالىعىندا (توبىل قالاسىنان اۋليەكول اۋىلىنا دەيىن) كولىكتىڭ بارلىق ءتۇرىنىڭ قوزعالىسىنا شەكتەۋ قويىلدى. جولدى 30 جەلتوقسان ساعات 15:00-دە جولدى اشۋ جوسپارلانعان.