اقتاۋدىڭ 33-شاعىناۋدانىندا تۇنگى ۋاقىتتا جەڭىل اۆتوكولىك ورتەنىپ, وقيعا ورنىنا قۇتقارۋ قىزمەتى جەدەل جەتتى. زارداپ شەككەندەر جوق, دەپ جازادى Egemen.kz.
28 جەلتوقسانعا قاراعان ءتۇنى اقتاۋداعى 33-شاعىناۋداندا جەڭىل اۆتوكولىك ورتەندى. ءورت تۋرالى حابار ساعات 22:40-تا جەتكەن. وقيعا «اققۋ» تۇرعىن ءۇي كەشەنىنىڭ اۋماعىندا, №7 ءۇيدىڭ ماڭىندا بولعان.
ماڭعىستاۋ وبلىسى توتەنشە جاعدايلار دەپارتامەنتىنىڭ مالىمەتىنشە, ءورت Mercedes-Benz ماركالى, گاز باللوندىق جابدىقپەن جابدىقتالعان اۆتوكولىكتى شارپىعان.
وقيعا سالدارىنان قازا تاپقاندار مەن زارداپ شەككەندەر جوق.
ءورت ساعات 22:53-تە تولىق ءسوندىرىلدى. قازىرگى ۋاقىتتا ءورتتىڭ شىعۋ سەبەپتەرى انىقتالىپ جاتىر.
وقيعا ورنىنا توتەنشە جاعدايلار قىزمەتىنەن 11 ادامنان قۇرالعان جەكە قۇرام جانە 2 بىرلىك تەحنيكا جۇمىلدىرىلعان.