مەملەكەت باسشىسىنىڭ جارلىعىمەن قازاقستان حالقى اسسامبلەياسىن دامىتۋدىڭ 2030 جىلعا دەيىنگى «بىرلىگىمىز – ارالۋاندىقتا» تۇجىرىمداماسى بەكىتىلدى, دەپ جازادى Egemen.kz اقوردانىڭ ءباسپاسوز قىزمەتىنە سىلتەمە جاساپ.
تۇجىرىمداما قازاقستان حالقى اسسامبلەياسىن ودان ءارى دامىتۋدى كوزدەيدى. قۇجاتتا قوعامدىق كەلىسىم مەن جالپىۇلتتىق بىرلىكتى قامتاماسىز ەتۋ ماقساتىندا ەلدى ۇيىستىرۋعا باعىتتالعان جاڭا قاعيداتتار مەن تاسىلدەر قاراستىرىلعان.
ايتا كەتەيىك, 26 جەلتوقسان كۇنى مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تاريحي-مادەني مۇرا وبەكتىلەرىن قورعاۋ جانە ءبىلىم بەرۋ-ساۋىقتىرۋ قىزمەتتەرى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.
سونداي-اق پرەزيدەنت سول كۇنى «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ كودەكسىنە كومىرسۋتەكتەر مەن ۋران سالاسىندا جەر قويناۋىن پايدالانۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.