ۋكراينا پرەزيدەنتى ۆلاديمير زەلەنسكي مەن اقش پرەزيدەنتى دونالد ترامپ 28 جەلتوقساندا فلوريدا شتاتىندا كەزدەسەدى. بۇل اقپاراتتى زەلەنسكي كەڭسەسى راستادى, دەپ حابارلايدى Egemen.kz.
DW جازعانداي, ۋكراينا باسشىسى 26 جەلتوقسان, جۇما كۇنى جۋرناليستەرمەن ونلاين فورماتتاعى كەزدەسۋ بارىسىندا ۋكرايناعا قاتىستى 20 تارماقتان تۇراتىن بەيبىت جوسپاردىڭ 90 پايىزى ءازىر ەكەنىن مالىمدەدى.
ونىڭ ايتۋىنشا, 28 جەلتوقساندا وتەتىن كەزدەسۋدە ول دونالد ترامپپەن كيەۆكە قاۋىپسىزدىك كەپىلدىكتەرىن بەرۋ ماسەلەسىنە قاتىستى قۇجاتتار توپتاماسىن تالقىلاۋدى جوسپارلاپ وتىر.
زەلەنسكي ۋكراينادا پرەزيدەنت سايلاۋىن وتكىزۋگە دايىن ەكەنىن مالىمدەدى
ۆلاديمير زەلەنسكي ۋكراينادا پرەزيدەنتتىك سايلاۋ مەن رەفەرەندۋم وتكىزۋگە بايلانىستى زاڭنامالىق باستامالار بار ەكەنىن دە اتاپ ءوتتى. الايدا بۇل ماسەلەدەگى باستى تۇيتكىل قاۋىپسىزدىكتى قامتاماسىز ەتۋ بولىپ وتىر.
ۋكرايناعا قانداي قاۋىپسىزدىك كەپىلدىگى بەرىلۋى مۇمكىن؟
سونىمەن قاتار ۋكراينا پرەزيدەنتى تۇپكىلىكتى بەيبىت كەلىسىمگە كەلىسسوزدەرگە قاتىسىپ وتىرعان ءتورت تاراپتىڭ – ۋكراينا, اقش, رەسەي جانە ەۋروپالىق وداقتىڭ كەلىسىمىنسىز قول قويۋ مۇمكىن ەمەس ەكەنىن مالىمدەدى.