اتىراۋ وبلىسىنىڭ رەسەيمەن شەكارالاس قۇرمانعازى اۋدانىندا شەتەلدىكتىڭ ءبىر جىل بويى زاڭسىز جۇرگەنى انىقتالدى. سوت ونى ەلدەن شىعارۋعا شەشىم قابىلدادى, دەپ حابارلايدى Egemen.kz.
وزبەكستان رەسپۋبليكاسىنىڭ ازاماتى ت. ەلىمىزدىڭ اۋماعىنا بىلتىر 10 قازاندا كىرگەن. ول كوشى-قون تۋرالى زاڭعا سايكەس 30 كۇنتۇزبەلىك كۇن وتكەن سوڭ, 10 تاۋلىكتىڭ ىشىندە ەلدەن شىقپاي قالعان. وسىلايشا, بىلتىرعى قازاننان بەرى ءبىر جىل بويى ەلدە زاڭسىز جۇرگەن.
قۇرمانعازى اۋداندىق سوتىندا وزبەكستان رەسپۋبليكاسىنىڭ ازاماتى ت-عا قاتىستى اكىمشىلىك قۇقىق بۇزۋشىلىق تۋرالى كودەكسىنىڭ 517-بابىنىڭ 4-بولىگىمەن (شەتەلدiكتiڭ قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزۋى) اكىمشىلىك قۇقىق بۇزۋشىلىق تۋرالى ءىس قارالدى.
شەتەلدىكتىڭ اكىمشىلىك قۇقىق بۇزۋشىلىق جاساعانى ءوزىنىڭ مويىنداۋ تۇسىنىكتەمەسىمەن, اكىمشىلىك قۇقىق بۇزۋشىلىق تۋرالى حاتتامامەن جانە باسقا دا ءىس قۇجاتتارىمەن راستالدى.
«سوت قاۋلىسىمەن قۇقىق بۇزۋشى ت. ايىپ تاعىلعان باپپەن كىنالى دەپ تانىلدى. وعان قازاقستان رەسپۋبليكاسىنىڭ شەگىنەن اكىمشىلىك جولمەن شىعارىپ جىبەرۋ تۇرىندەگى اكىمشىلىك جازا قولدانىلدى», دەپ حابارلادى اۋداندىق سوتتان.
سوت قاۋلىسى زاڭدى كۇشىنە ەندى.