ۇلىتاۋ اۋدانىنىڭ جەزدى كەنتىندە 160 ورىندىق زاماناۋي دەنە شىنىقتىرۋ-ساۋىقتىرۋ كەشەنىنىڭ قۇرىلىسى اياقتالىپ, سالتاناتتى تۇردە پايدالانۋعا بەرىلدى. اشىلۋ راسىمىنە ۇلىتاۋ وبلىسىنىڭ اكىمى داستان رىسپەكوۆ قاتىسىپ, ءوڭىر تۇرعىندارىن سپورت نىسانىنىڭ ىسكە قوسىلۋىمەن قۇتتىقتادى.
زاماناۋي سپورت كەشەنى مەملەكەت باسشىسىنىڭ وڭىرلەردى دامىتۋ, ازاماتتاردىڭ ءومىر ءسۇرۋ ساپاسىن ارتتىرۋ, سالاماتتى ۇلت قالىپتاستىرۋعا باعىتتالعان سىندارلى ساياساتىنىڭ ناقتى ناتيجەسى, مەملەكەت تاراپىنان بارلىق وڭىرگە كوڭىل ءبولىنىپ وتىرعانىنىڭ دالەلى.
قوس قاباتتى سپورت كەشەنىندە باسكەتبول, ۆولەيبول ويىندارىنا ارنالعان امبەباپ سپورت زالى, كورەرمەندەر ورىندارى, اكىمشىلىك كابينەتتەر مەن ارنايى قوسالقى بولمەلەر قاراستىرىلعان. جاڭا نىسان تۇرعىنداردىڭ سپورتپەن تۇراقتى تۇردە اينالىسۋىنا, قابىلەتىن شىڭداۋىنا, بۇقارالىق سپورتتى دامىتۋعا مۇمكىندىك بەرەدى.
جىل سوڭىنا دەيىن وبلىس ورتالىعى جەزقازعان قالاسىندا ەسۋ سپورتىنا ارنالعان سپورت كەشەنى, جاڭاارقا اۋدانىنىڭ ورتالىعىندا 210 ورىندىق دەنە شىنىقتىرۋ-ساۋىقتىرۋ كەشەنى, سونداي-اق ەراليەۆ اۋىلىندا انگار ۇلگىسىندەگى جىلدام سالىناتىن سپورت كەشەنى ەل يگىلىگىنە بەرىلەدى.
ۇلىتاۋ وبلىسى