قازاقستان ەت يندۋسترياسىن دامىتۋ جانە سيىر ەتىن ەكسپورتتاۋدىڭ بولاشاق قارقىنى مەن باعىتىن ايقىندايتىن كەزەڭگە اياق باستى, دەپ جازادى Egemen.kz.
الەمدىك ەت تۇتىنۋدىڭ ءوسۋى, سۇرانىستىڭ ازياعا اۋىسۋى جانە جاھاندىق نارىقتاعى باسەكەلەستىكتىڭ كۇشەيۋى سالادان مەملەكەتتىڭ, بيزنەستىڭ جانە كاسىبي قوعامداستىقتىڭ ناقتى, ۇزاق مەرزىمدى ستراتەگياسى مەن ۇتىمدى شەشىمدەرىن تالاپ ەتەدى.
«قازاقستاننىڭ ەت يندۋسترياسىنداعى ءىرى قارا: بولاشاقتىڭ جول كارتاسى» تاقىرىبىندا 14-15 اقپان كۇندەرى Rixos Burabay-دا وتەتىن Dala Camp Forum 2026 حالىقارالىق مال وسىرۋشىلەر فورۋمى ءدال وسى جولعا باعىتتالعان.
فورۋم ەكسپورتقا, قايتا وڭدەۋگە, تۇراقتى ساتۋ مودەلىنە جانە قازاقستاننىڭ وڭىرلىك كوشباسشىلىعىن نىعايتۋعا باعىتتالعان الداعى 10 جىلعا ارنالعان ەتتى مال شارۋاشىلىعىن دامىتۋ ستراتەگياسىن قالىپتاستىرۋدى ماقسات ەتەدى. وسىعان بايلانىستى ۇيىمداستىرۋشىلار اتاپ وتكەندەي, الەمدە سيىر ەتىن تۇتىنۋ وسۋدە, ال ازيا نارىقتارى سۇرانىستىڭ نەگىزگى درايۆەرىنە اينالىپ كەلەدى. ءىرى قارا مەن ءتيىمدى لوگيستيكا بولعان جاعدايدا قازاقستان ەت يندۋسترياسىنىڭ وڭىرلىك ورتالىقتارىنىڭ ءبىرى رەتىندە ورنىعۋعا مۇمكىندىك الادى.
Dala.Camp Forum قازاقستان, وزبەكستان, قىرعىزستان جانە الىس شەتەلدەن كەلگەن 150-گە جۋىق دەلەگات – فەرمەرلەر, رەپرودۋكتورلار, بورداقىلاۋ الاڭدارى, قايتا وڭدەۋشىلەر, ينۆەستورلار, سالالىق ساراپشىلار, سونداي-اق حالىقارالىق ينستيتۋتتاردىڭ وكىلدەرىن بىرىكتىرەدى.
فورۋمعا قاتىسۋشىلار مەن سەرىكتەستەر قاتارىندا: KUSTO Group, KazBeef, TERRA, «اتامەكەن» ۇكپ, دجدۇ, حالىقارالىق ءبىلىم بەرۋ كورپوراتسياسى, «قازاقستان انگۋسى» رەسپۋبليكالىق پالاتاسى, «قايىپ اتا» جانە باسقالارى بار.
سپيكەرلەر قۇرامىندا: دجدۇ باس ديرەكتورىنىڭ حالىقارالىق عىلىمي ماسەلەلەر جانە ستاندارتتار جونىندەگى ورىنباسارى مونسەررات اررويو كۋريبرەنا, «اتامەكەن» ۇكپ تورالقاسىنىڭ توراعاسى رايىمبەك باتالوۆ, Kusto Group ديرەكتورلار كەڭەسىنىڭ توراعاسى ەركىن تاتىشەۆ, «تەRRا» كومپانيالار توبىنىڭ باس ديرەكتورى ەردوس تاپاەۆ, حالىقارالىق ءبىلىم بەرۋ كورپوراتسياسىنىڭ باقىلاۋ كەڭەسىنىڭ توراعاسى ايعازى قۇسايىنوۆ, «قازاقستان انگۋسى» رەسپۋبليكالىق پالاتاسىنىڭ ديرەكتورى داۋرەن سالىقوۆ جانە ت.ب. بار.
فورۋم باعدارلاماسىنا ستراتەگيالىق پانەلدىك سەسسيالار مەن پراكتيكالىق باسقارۋ بلوكتارى كىرەدى. ەكسپورتتىق ستراتەگيا, مەملەكەتتىك ساياسات جانە قولداۋ شارالارى, ينۆەستيتسيالىق مودەلدەر, ءتىرى مالعا باعا قادىپتاستىرۋ, كادرلىق شەشىمدەر, گەنەتيكا جانە فەرمەرلىك شارۋاشىلىقتاردىڭ تيىمدىلىگىن ارتتىرۋ باستى نازاردا.
فورۋم اياسىندا قازاقستاننىڭ وڭىرلىك جانە الەمدىك نارىقتار ءۇشىن پرەميۋم سيىر ەتىنىڭ الەۋەتتى ءوندىرۋشىسى رەتىندەگى ءرولى قاراستىرىلادى. ۆەتەريناريالىق سالاۋاتتىلىق جانە حالىقارالىق ستاندارتتارعا سايكەستىك ماسەلەلەرىنە ەرەكشە نازار اۋدارىلادى.
فورۋمنىڭ ماڭىزدى ەرەكشەلىگى وففتەيك-كەلىسىمشارتتار جۇيەسىنە پراكتيكالىق قولجەتىمدىلىك بولادى: جوبا الاڭىندا مالشىلار Turan قاۋىمداستىعىنا مۇشەلىكتى راسىمدەي الادى جانە اسا بولجامدى جانە ءتيىمدى ساتۋ شارتتارى نەگىزىندە ءىرى ساتىپ الۋشىلارمەن جۇمىس جاساي الادى.
«ەت ەكسپورتى ءبىر رەتتىك ماقسات ەمەس, بۇكىل سالا ءۇشىن ۇزاق مەرزىمدى مىندەت. Dala.Camp كاسىبي قوعامداستىقتىڭ بىرىكتىرۋ نۇكتەسى رەتىندە قۇرىلادى, وندا قازاقستاننىڭ وڭىرلىك جانە الەمدىك نارىقتا ورنىقتى تۇعىرعا قالاي يە بولاتىنى تۋرالى جالپى تۇسىنىك قالىپتاسادى», — دەپ اتاپ ءوتتى Dala.Camp جوباسى جانە قازاقستاندىق Turan قاۋىمداستىعى كىرەتىن Zengi Group كومپانيالار توبىنىڭ جەتەكشىسى جانىبەك كەنجەباەۆ.
فورۋم مەرەكەلىك كەشكى اسپەن جانە قاتىسۋشىلاردىڭ كاسىبي نەتۆوركينگىمەن اياقتالادى.