دەرەكتەردى تەكسەرۋ ناتيجەسىندە كەزەكتە تۇرعانداردىڭ ءبىر بولىگىنە باسپانا بەرىلمەگەن. سەبەبى ادامنىڭ نەمەسە وتباسى مۇشەلەرىنىڭ جىلجىمايتىن م ۇلىكتە ۇلەسى بولعان, دەپ حابارلايدى Egemen.kz.
«وتباسى بانك» 24 مامىردان باستاپ كەزەكتە تۇرعانداردى ەسەپكە الىپ, تۇرعىن ۇيگە مۇقتاج ازاماتتارعا باسپانا بولۋمەن اينالىسىپ كەلەدى.
بانك ۇزاق جىلدان بەرى كەزەكتە تۇرعان جانە مەملەكەتتىك قولداۋدى كۇتىپ جۇرگەن ادامداردىڭ نارازىلىعىن تۇسىنەتىنىن ايتتى.
«تۇرعىن ءۇيدى ءبولۋ كەزىندە «وتباسى بانك» زاڭناما تالاپتارىن قاتاڭ ساقتايدى. «تۇرعىن ءۇي قاتىناستارى تۋرالى» زاڭعا سايكەس, سوڭعى بەس جىل ىشىندە قازاقستان اۋماعىندا مەنشىگىندە تۇرعىن ءۇيى بولماعان ازاماتتارعا عانا جالدامالى جانە نەسيەلى تۇرعىن ءۇي بەرىلەدى. تەكسەرۋ بارىسىندا كەزەكتە تۇرعان ادامنىڭ نەمەسە ونىڭ وتباسى مۇشەلەرىنىڭ پاتەردە نە ۇيدە ۇلەسى بار ەكەنى ءجيى انىقتالادى. ايتا كەتۋ كەرەك, «وتباسى بانك» ازاماتتى كەزەكتەن شىعارمايدى. ول تەك تۇرعىن ءۇيدى بولۋگە قاتىسۋىن ۋاقىتشا توقتاتادى. بۇل – ۋاقىتشا شارا», دەپ ءتۇسىندىردى بانك.
ۇلەسكە قاتىستى ماسەلەنى شەشۋ ءۇشىن «وتباسى بانك» ونەركاسىپ جانە قۇرىلىس مينيسترلىگىنە جۇگىندى. قازىرگى تاڭدا مەملەكەتتىك ورگاندارمەن بىرلەسىپ شەشىم ىزدەستىرىلىپ جاتىر.
بانكتە شىن مانىندە تۇرعىن ۇيگە مۇقتاج ازاماتتار ءۇشىن ءادىل شەشىم تابۋدى كوزدەپ وتىرعاندارىن اتاپ ءوتتى.
ەسكە سالايىق, بۇعان دەيىن ەلىمىزدە تۇرعىن ءۇي كەزەگىن جەدەلدەتۋ ماقساتىندا جاڭا ەرەجە ەنگىزىلگەنىن جازعان ەدىك.