استانا. 22 ناۋرىز. سەناتور تەد كرۋز اقش-تا 2016 جىلعى قاراشادا وتەتىن كەلەسى پرەزيدەنتتىك سايلاۋعا قاتىسۋعا شەشىم قابىلدادى. بۇل تۋرالى يتار-تاسس حابارلادى.
كۇتكەندەگىدەي, تەحاس شتاتىنان سايلانعان رەسپۋبليكاشىل ساياساتكەر الداعى دۇيسەنبىدە ءوزىنىڭ شەشىمىن ۆيردجينيا شتاتىنداعى ۋنيۆەرسيتەتتەردىڭ بىرىندە سويلەگەن سوزىندە جاريالايتىن بولادى. وسىلايشا 44 جاستاعى تەد كرۋز پرەزيدەنتتىك جارىسىنىڭ جولىنا تۇسەتىن ءبىرىنشى ۇمىتكەر بولعالى تۇر. سايلاۋدا رەسپۋبليكاشىلار پارتياسىنان ودان باسقا, كەمىندە ون ادام داۋىسقا تۇسكەلى وتىر. ولاردىڭ قاتارىندا فلوريدا شتاتىنىڭ بۇرىنعى گۋبەرناتورى, ەكس-پرەزيدەنت كىشى دجوردج بۋشتىڭ ءىنىسى دجەب بۋش, نيۋ-دجەرسي شتاتىنىڭ گۋبەرناتورى كريس كريستي, سەناتورلار ماركو رۋبيو مەن رەند پول, ۆيسكونيا شتاتىنىڭ گۋبەرناتورى سكوتت ۋوكەر, اركانزاس شتاتىنىڭ ەكس-گۋبەرناتورى مايك حاكابي جانە كونرەسسمەن پول رايان بار.
ال ساراپشىلار الداعى ۇمىتكەرلەردىڭ ىشىنەن دەموكراتيالىق پارتيا اتىنان ۇمىتكەر بولىپ قالۋى ۆقتيمال, بۇرىنعى مەملەكەتتىك حاتشى, اقش-تىڭ بۇرىنعى ءبىرىنشى حانىمى حيللاري كلينتون مەن ۆيتسە-پرەزيدەنت دجوزەف بايدەننىڭ مۇمكىندىكتەرى جوعارى سانالۋدا. بۋراق ولار ءالى پرەزيدەنتتىك سايلاۋعا قاتىساتىندارى جونىندەگى شەشىمدەرىن جاريا ەتكەن جوق.
اقش-تىڭ قازىرگى پرەزيدەنتى باراك وتباما بۇل مەملەكەتتىك جوعارى لاۋازىم ءۇشىن كۇرەسە المايدى. سەبەبى, وسى جولى ونىڭ ەكىنشى پرەزيدەنتتىك مەرزىمى اياقتالىپ كەلە جاتىر.
مۇرات ايتقوجا.